單鏡反光相機(新手)

單鏡機最大特點係可以換鏡頭，根據唔同需要換上廣角，人像或遠攝鏡，咩嘢時候要換鏡頭係視乎視野同視距需要，當主體距離固定時，要拍攝較闊視野就需要廣角鏡，當需要突出主體或放大主體時，就要換上遠攝鏡。當然，廣角遠攝係術語，實則分別係焦距長度，一般廣角鏡焦距約24-35mm，而200mm以上屬於遠攝鏡。上面亦提過有人像鏡，人像鏡焦距由70-110mm，係拍攝人像時可以稍稍遠離主體，令主體表情較自然。比較通行或基本上要有嘅係俗稱標準鏡，標準鏡焦距多為50mm，用標準鏡拍攝出來嘅影像與人眼睇到嘅角度大致相同，所以被稱為標準鏡。

以上未提到又經常會到用就係變焦鏡，因變焦鏡並非標準裝備，所以略過，另外以上鏡頭焦距數字係以135mm菲林機為準，與110機鏡頭數字有別。

不防一提，閣下描述四隻牌子中只有頭三隻係製造光學器材起家，另外閣下問套裝機包括什麼就無法答覆，因為純屬商品包裝或銷售策略，並無標準，閣下宜向代理查詢。

2011-05-18 08:29:11 補充：
漏咗講，單鏡機最主要特點係取景及對焦都通過同一個鏡頭，有別於上一代嘅雙鏡機，用獨立鏡頭取景及對焦，但因只得一個鏡頭，所以要通過一面反光鏡將取景影像反射上觀景器上，而對焦則要將反射鏡合上讓光直射到菲林上。因反射鏡開合動作會令機身震動較明顯而影響拍攝質數，但好處係你所見即所拍，what u see what u get，故單鏡機全名為單鏡反光相機。

但數碼化嘅單鏡機絕非潮流產物，自上世紀單鏡機開發已有四五十年，實質上數碼機可以將機身體積大大縮小，但數碼化單鏡只承襲菲林機嘅模樣，仍然相當大部，事關單鏡機需要雙手操作，如果機身太細反而不易操作。

1. 新手用之數碼單鏡反光相dslr通常就是那些入門級相機，舉例﹕nikon之d3000---約$4300, nikon之d5100---約$6300. sony之a290----$3300, a580---$6400, canon之600d----$7300, pansonic之lumix g10----$6300, pentax之kr---$6500, samsung之nx11----$5000，以上都是入門級相機，當中並冇olympic，因olympic實在無出入門級dslr。當中sony就出最多入門級dslr，總共5部，我只列出最平與最貴之型號。而所有型號都是配標準變焦kit鏡。
2. 任何情況都可用dslr；唯有時去旅行或平常出行，為了減輕負重(dslr一機一鏡都要2-3磅)，才使用dc。
3. 最大特點是大，感光元件大，鏡頭大，電池大，機身重，相機袋大。最後是拍攝質量亦好。
4. 樓上講左鏡頭之分類，但實際任何鏡頭都可以在任何情況下影到相(除了微距)，所得之效果各有不同，視各鏡種焦距而定。事實很多人會用微距或長炮來影人像，甚至用魚眼鏡，問題重點是你想取得甚麼效果，你深入研究就可了解。而變焦鏡是現在最流行之鏡種，焦段可包括幾類鏡種，使用起來實在方便，不用拍攝者行近、行遠，所以可見未來，是會更多人使用。但變焦鏡亦有其缺點，因為多了變焦能力，要造到全個焦段清晰並不容易，而且價錢亦高。
5. dslr套裝機通常包18-55mm變焦鏡，一個電池(如用鋰電)，與電腦連接之usb線及與電視連接之訊號線，相機帶及電腦安裝應用軟件光碟。而部份相機會附送記憶卡，其他的相機就由代理送上，所以現在買相機都必定附送記憶卡。
6. 這這問題很難答，而且各有所好，我只能講，買任何牌子都能拍攝出理想效果。你可以這樣想，samsung與panasonic各只推出一部dslr，是絕對有承意打入市場(功能多多，價錢吸引)，唯他們都是新手，配件及鏡頭都有限，雖然可以與pentax及olympic共用鏡頭。現實上是三大牌子(sony, nikon及canon)之比較，他們都各自推出自家鏡頭，在2手市場則以nikon及canon最多；sony就可同時使用minolta 2手鏡。