新員工請假問題

新員工請假問題????你都識問佢點解晤見工時講呀？呢Ｄ唔付責任.唔誠實表現,第日實碌續有泥，

1) 我都試過in 人, 我會希望對方係我通知話要請佢, 佢簽約時講定先, 因為我可以有個預算丫嘛。老實講, 人情上, 如果佢訂左機票, 比哂錢, 唔通你唔放佢咩, 局住要比。不過佢係真係show緊自己既責任感不足, 扣哂分。

2) 如果我唔係咁急用人既, 可以調動到人手, 我都會比佢放假。但我會先請示老板, 同埋我會密切d觀察佢既工作能力同態度。如果唔對路, 就唔好哂大家時間, 早d搵過另一個。但如果lee次只係個別事件, 真係佢好想要份工, 怕因為lee個理由得失公司既, 但之前工作係認真既, 我會比次機會佢, 唔好放係心度囉。

=) 希望你搵到個得力助手啦~

regards,
Anita

返幾日工就請4日係過份左。睇返有冇必要一定要佢係度囉(照計新人頭一個月對公司都幫助唔大），如果唔一定需要佢就當做好老闆放人假吧，但之後同佢講清楚想放假盡早通知；如果很忙人手不足一定要佢咪唔好妥協...我估到時佢都寧願唔撈去旅行。

其實佢見工時冇講都情有可原, 始終冇僱主鐘意個員工做冇耐就請假, 仲要請4日, 佢講左可能驚僱主唔會考慮佢吧! 不過如果佢係有責任感的話, 簽約/第1日返工都應該預早講聲, 宜家佢都拎哂supporting出黎, 我諗就算你唔批, 佢都會請sick leave, 唔通浪費左張機票咩