同吾識婆婆傾計 ..........

✔ 最佳答案

你所指既婆婆係街上面本身同你唔識/唔係你的親祖母/親外祖母..我無理解錯誤吧?

以下純粹個人經驗和見解:

其實傾咩都好睇地點, 場合, 婆婆既喜好/成長環境/家庭狀況etc, 以及你地之間既熟絡程度

例如係車上認識既婆婆, 佢可能曾經住係附近, 又或者係附近一帶工作過, 咁你可以選擇聽下佢講佢以前既生活; 又或者有部分婆婆會勸勉你要努力讀書/工作, 你都可以試下將個話題轉去佢以前既事

如果婆婆主動提及佢屋企既, 你都可以簡單講係你屋企d野, 例如你既祖父母咁, 睇下佢會唔會都想講佢d仔女或者孫, 如果佢無主動提起就最好唔好問啦, 因為有部份長者可能係獨居, 或者同家人關係唔好

不過個人覺得最能夠令婆婆想同你傾計有三樣野: 聆聽 + 發問 + 用心

首先當然係你要讓佢地覺得你係真係想聽佢講野啦. 例如係佢講緊野既時間點頭表示理解, 係適當時候發問, 最緊要望住佢地, 唔好check電話/睇錶, 咁佢地會比較願意同你傾計

另外因為婆婆係長者, 多數都會想顯示自己既身份, 所以佢地傾向以師長既姿態講野, 其實通常都係想將自己既生活知識傳授俾年青人. 所以你可以從佢地既喜好同專長入手, 如果你知道個位婆婆煮餸好吃, 甚至只係見到佢岩岩買完餸, 你都可以問下佢今晚諗住煮咩, 繼而問下一d煮餸技巧, 佢覺得你感興趣既就會好樂意教你嫁啦. 但記住唔好反駁佢教你既野, 可能佢既方法同你學過既唔同, 但唔代表佢個個方法唔work. 就算真係唔work你都唔好直斥其非. 剛才講過婆婆可能都會想顯示佢長輩既身份, 你直指佢既不是自然會令佢反感. 唔想繼續同你傾計

多關心婆婆, 尤其佢地既健康, 都好緊要. 天氣冷你提佢著多件衫當然重要, 天氣潮濕佢地風濕關節痛你可能會覺得自己幫唔到d咩, 你問一問佢地既近況不單可以了解佢地既需要, 更係提供一個發洩既機會俾佢地, 佢地可能會覺得自己老紀大機器壞, 覺得自己無用會唔開心, 你既關心引導佢地講出自己既心聲時亦可以安撫一下佢地, 話俾佢地聽佢地一d都唔無用; 另外要記得佢地講過d咩, 佢可能會唔記得但係你就要記住, 當佢知道你真係用心聽佢講野既時候自然會願意親近你

雖然婆婆係長輩, 但亦有云老人家就好似小朋友咁, 要人哄, 所以讚下佢地亦無妨, 但讚就一定要真心, 唔好無野搵野讚. 令佢地覺得你造作. 例如你見佢件冷衫係手織既可以問下佢地係邊到買, 然後讚佢地有眼光, 若然佢地話係自己織既當然可以讚佢織得好啦, 即使係人地織俾佢既你都可以話''你真係有福, 有個咁好既女/媳婦'' 佢地都會好開心

最後, 交唔交換電話就要視乎你地既熟絡程度以及婆婆既意願. 如果係佢提出既你不妨俾個電話佢(當然唔係話你係車上面撞到既長者都要俾啦, 係你覺得你地熟左先俾) 或者佢有事會搵你. 但同時要睇埋你既身份, 一般黎講義工應該就唔建議俾手提電話既, 如果係朋友關係, 你俾之前都要顧及你既私隱同安全

以上全部係個人意見, 本人亦非專業人士, 或者會有錯漏, 歡迎指正

如果仲係有需要既其實可以搵番d專門負責照顧長者既機構或者團體, 佢地可能會俾到更多實用既資料俾你參考

回答 (2)