意大利自由行

1. 一家大細， 跟團比較好， 因為處處有人照應 ，你可以找找去法國同意大利或者單去意大利嘅團。自由行最麻煩不是選擇景點，不是安排交通 而是要找到交通方便而附近治安良好的酒店， 因為7月是旅遊旺季， 所以房租比較合理的酒店要在三個月之前已經訂好， 不過在 歐洲的酒店可以訂4人房，叫做 Quad ， 有一張雙人床， 兩張單人床等等。
2. 去意大利旅行要注意安全問題 ， 請看本人答案有關歐遊安全部份。
http://hk.knowledge.yahoo.com/question/question?qid=7010011900021
3. 你地去羅馬， 佛羅倫斯 （比薩），威尼斯 沒有問題， 不過七月去就度度都多人過旺角。去到威尼斯， 你唔使行， 自然有人推你 。
由羅馬去卡普里， 有一日遊旅行團， 每人要130 歐元。
如果自己去要搭火車去到那不勒斯 再搭火車或搭船去卡普里 ， 搭火車去會經過世界著名嘅歷史遺跡， 在二千年前被火山灰掩埋嘅 龐貝古城， 然後到達Sorrento, 再行一段斜路去碼頭搭船過海到卡普里。 如果你要去睇藍洞， 要搭大船到洞口， 再由小舢板搖你入去， 而且要在上午11時到下午3時進入藍洞， 至可以睇到美景。 如果天陰或落雨， 就無得睇， 我去嗰日就落雨。
由那不勒斯去卡普里一日遊非常之趕， 而卡普里酒店非常之貴。4 人房都要250 歐元一晚， 不過Anacapri 有一種檸檬味朱古力非常好味。卡普里全島都係斜路， 老人小孩都要小心。而且那不勒斯治安非常之差。我個人意見， 如果唔係去睇藍洞，香港人住在海島， 係唔需要去卡普里。
4. 如果唔去卡普里，你可以由香港搭機去巴黎， 再乘搭夜車去意大利， 然後由羅馬返港， 不過都係太趕喇。
5.一般人去法國同意大利自遊行都係乘搭火車 ， 俾個火車網你睇可以預算車程同票價：
http://www.ferroviedellostato.it/homepage_en.html
多數人都唔會買Pass， 因為買咗Pass, 訂位時要再俾訂位費，買散票比較平同火車班次很密， 你可以去到一個地方就買定去第二個地方嘅票， 不過上車時記得到入閘口附近嘅機器在票上打上當日日期， 否則上到車查票要被罰款。
http://www.discuss.com.hk/archiver/?tid-10214073.html

想認真提醒樓主，如果你地真係打算去晒所有講既地方，咁呢個旅程幾乎肯定係死亡行軍。首先7月尾意大利熱到你唔信，我保證係晴天正午附近時間有37度或以上。而且樓主要去既地方太多，城市之間相距太遠，舟車勞頓太厲害，而且時間亦太少，因為你個旅程話名有12日，但由於機程遠，來回香港及意大利就無左兩日，即係全程只有10日。就算係精壯青年去過咁既行程都未必支持得住，唔好話老人家及小朋友，佢地身體隨時會出大問題。

但只要適當調校，咁就絕對會輕鬆好多。我建議樓主一家只去羅馬、佛羅倫斯(加埋去比薩睇斜塔)及威尼斯就好。卡帕里島(Capri)太遠，而且藍洞唔一定入到，無謂一次過去晒。樓主可以留係羅馬4日、佛羅倫斯加比薩3日，威尼斯及附近玻璃島3日，咁個行程就輕鬆好多，而且仲會幾舒服。

樓主的確係跟團會好啲，但由於坊間歐洲團行程都好趕，一樣未必啱老人家及小朋友，而且亦無齋意大利團，所以可以既話當然自由行會好啲。我覺得意大利無傳聞咁危險，我去旅行嗰幾日都無發生過大問題，但其實去到邊都要隨時提高警覺，最緊要記住財不可露眼，而且樓主一家有老有嫩，更加要極為小心，最好唔好去熱門遊客區以外既地方。

意大利城際交通主要靠坐火車，有人會買火車証，但當時我無買，因為城際鐵路你唔會搭好多次，逐張飛買就可以，如果每人都有一張火車証就太浪費。