我應該點做？(20點)

我係男。A係我之前中意既女仔，B係我而家中意既女仔。我之前俾A拒絕左，咁好唔開心啦。我揾B傾msn，咁佢又肯聽我訴苦。其實我之前都對B有少少好感，咁佢咁好人，我開始中意佢。其實都只不過係過左2個星期。我開始追B。我追得好明顯，日日call佢，係學校又好關心佢。我唔知係唔係我做得太過火，好快佢d fd同我講佢對我冇果種feel，只係當我好朋友。佢個日同我msn話佢而家唔想拍拖，完全係佢個問題，又話佢個fd講係真，佢希望我唔好避佢，大家仲係好朋友。我唔知佢尼d係唔係客套話，不過佢話唔係，我應該信哂佢個日所講既野。咁係學校，佢又冇咩野，冇話唔同我講野咁，仲好似再熟少少咁，不過我唔知佢係唔係因為拒絕左我而內疚先咁。如果我唔揾佢，佢會覺得我黑佢面同嬲左佢。不過尼d都係我揾佢，我先知。佢唔會主動揾我，冇論msn同電話都係咁。佢好似唔會主動揾男仔講野。佢好似幾重視我尼個朋友，又話我係佢講得最多佢既野既男仔。不過佢係果d開朗既女仔，只係唔會主動咁揾男仔傾計。同埋佢話我份人比較悶，d話題吸引唔到佢。我想問佢係唔係對我一d好感都冇？我唔知而家放唔放棄好。如果我唔放棄，我打算al後再表白多次。咁我而家應該點追佢？我又唔可以做得好明顯，因為之前佢話我追佢令佢好唔自在，好驚。咁我應該點做？我俾佢拒絕左，係唔係唔應該再追佢?