電視收唔清

電視訊號靠天線由轉播站接收。數碼訊號如果臨界會久唔久窒下窒下。
你又冇講，不過我相信你係用室內天線。而又唔知近唔近窗，同埋窗口係咪向轉播站，乜都唔知。
其實你可以自己試下移天線到近窗台位置，試下，(其實得你都試左啦)，或者買條靈敏度高一點的天線。當然，最好的方法係接到大廈的公共天線，天線係75ohm同軸線，可以好長長長長長長長長長長長長長長。由廳接入房應該冇乜分別，除非你間屋萬幾呎我唔咁講。
另一件事係點解咁奇收到82/83/85 ??
因為現時數碼廣播分成三組，11/16/81/84係同一組，同analog廣播相同的四台，應該最易收。你反而收到無線的一組。會唔會你部機追台唔o岩?? 因為用天線直接收廣播同用大廈天線有機會個frequency唔同。建議你試下移到較好的窗台再追一次台先移到房再試。

你淨係一句收唔清,咁就好難幫你.
有好多原因,唔知你係邊樣.
如果你以前係無事,而突然間收唔清,就有可能係你個電視機有毛病,打咗柴.
如果係新安裝,就收唔清,有可能係你調教得唔好,又有可能係條天線有毛病,亦有可能係D訊號太弱,要加放大器.
你可唔可以講清楚D,詳細D呀.如果唔係,就唯有出廳睇.

2011-05-15 23:28:38 補充：
你用電視機嘅室內天線,訊號緊係唔好啦,你要四圍咁移動天線,改變天線嘅位置,來接收最好嘅訊號.
如果咁都唔得,就要由廳拉條天線入房,再加一個放大器,加強訊號,就唔會唔清.