✔ 最佳答案
跟返002同意見者回答既答案補充,你講得雙核轉四核真係要睇返你雙核係咩型號先,如用Intel Pentium Dual Core又或者用Intel Core 2 Duo的話,多數你塊底板都支援Intel Core 2 Quad四核;但你係用第一代i3或者i5雙核轉i5或者i7四核就要注意啦,如轉用i5四核,當然冇問題,但i7有8xx型號同9xx型號,而8xx型號既Socket係LGA 1156,但9xx型號係LGA 1366,如果你用i3轉i7 9xx型號就要轉埋塊板,轉左塊板之後又要重新裝過個Windows。
如果用Intel Core 2 Quad就千幾至二千幾不等,視乎返型號;Intel i5同Quad應該差不多,但i7型號俞大就俞貴,比i5貴多幾百至一千幾大約。
電腦運行速度視乎軟件啦今次,由雙核轉四核速度頂多係一倍幾,不可能四倍吧…兩個核心同四個核心只有一倍之差,其他資料都同意見者一樣,睇戲只關顯示卡問題,上網只關網絡問題,而CPU用量只得百分之零點幾至百分之幾不等,需要使用大量核心流量多數只有PC Game、製作大型遊戲、解壓縮檔案等等,PC Game方面有d只需要顯示卡又或者少量CPU使用量都不出奇,視乎返隻Game既需求。