要中3去英國留學，有好多問題要問...

halo, 我係英國讀緊書, 希望幫到你丫=]

1.)雖然家姐細妹都去，不過唔同FORM，唔會成日一齊，我容易homesick點算呀?
>> 唔會既, 因為就算係唔同form, 都會係係學校唔會一六上堂, 但番到boarding house, 都可以一齊, 唔駛怕, 雖然唔同form, 係唔可以同一個房, 但係如果係同一個house, 要搵大家, 都唔難.. homesick 呢, 我都試過, 但都係一, 兩個星期就冇事, 最重要既係, 去到識多一d 朋友, 就冇問題架啦, 因為呢, homesick 既最主要原因係因為識唔到朋友, 個人又冇野做, 就會想起屋企既種皇同埋hk 既朋友仔, 只要唔好怕, 放膽d去識朋友, 而而家亦有skype, msn 可以用, 所以要打番hk 亦唔難, 唔駛怕的:)

2.)我好怕黑，夜晚開燈怕同房唔中意，點算?
>> 好多時, boarding 既話, 會限定你幾時要lights out, 佢地唔俾你開燈既 (高form 就ok, 因為佢地知道你想溫書), 去到外國讀書, 就要好好咁照顧自己, 開始學下, 唔好怕黑, 你仲有你同房嘛:), 同時, 要學會consider 下同房, 唔好開燈, 因為唔係真係人人接受到既, 呢個亦係boarding house 既好處, 要學識體諒, 而唔開燈都好丫, 環保嘛:) 你想想, 你都唔可以晚晚開住燈訓開到你老嘛, 我以前都會開住燈訓, 但而家同男友一齊住, 幾怕黑都要熄, 因為真係唔係人人都項得住, 如果因為咁, 而攪到同房覺得你唔considerate, 咁又何必呢?

3.)個間係女校，會唔會搞到我變LASS?
>> 唔會啦=口=" 我果時都係女校, 但要小心既係, 可能會有好多小圈子就真, 女仔多是非你又唔係唔知架啦T_T"

4.)上堂個時我會諗屋企，又會好想喊，點算好呀?
>> 盡量唔好諗屋企既野啦, 難得屋企俾你去英國, 咁你就更要珍惜呢個機會, HK, 又唔係冇得番, 一年都可以番3次啦係咪? 如果真係想哭既, 你可以同自己講, 番到BOARDING HOUSE 就打俾屋企, 同埋係人地面前哭, 都唔好睇啦係咪? 上堂你都會好多野做, 又要寫notes 聽書, 我諗, 你到時都唔會有時間會諗到哭呢個問題呢:)

5.)外國食物好肥膩，我唔想變肥，有咩輕巧既電子產品或者其他野可以當運動咁日日做保持身形呢?
>> 最簡易既, 可以唔好食咁多野, 如fish and chips果d, 英國亦有salad, 食多d vegie, 咁就唔會肥, 你亦可以係房入面做sit up 同push up, 呢個係最好既方法, 而學校亦會有p.e 堂, 所以你亦可以放心 :)

6.)個到冇得上網，有咩可以下載既GAME唔先上網都可以玩?(要好玩嫁~)
>> 有, 睇下係咩學校, 有一d 會係wireless, 一d 會係broadband, 但有一d 學校會block 網, 如facebook, youtube 會上唔到,咁就要用一d hide proxy 既web 上了= =" 有咩game 既, 係hk 買定隻碟果去install, 英國亦會有pc-rom 可以俾你install, 咁果一d 唔駛through internet, 會好好多既.

7.)人地話可能會比人排擠，點防範呢!?
>> 好少, 如果你果間係hk 人多既學校, 反而要驚係d hk人講你是非=口=" 如果你真係俾人排擠, 都冇咩辦法既, 把口生係人度, 如果佢想話你唔好唔1, 你去阻佢都冇用架嘛係咪? 講真, 只要個人唔好太內向, 唔好太串, 同埋nice d, 就唔會話俾人排擠, 同老師講, 都未必有用, 老師叫學生唔好排擠人, 佢地都唔會理佢架嘛 - -" 所以做好自己, 就可以了, 如果真係俾人排擠既, 你可以唔好理佢地, 專心係房入面讀書, 咁會好過你同佢地嘈既:)

希望幫到你丫, 有d咩可以再email我的=]