老師好差,, 點算???

你而家先中四係有可能唔習慣,特別係通識需要你自己批判,唔係死讀書就得,所以你係一年內極速掌握通識答題技巧幾乎沒乜可能,除非本身有玩開debate嗰d就另計。

其實你識得上來問,某程度你都應該識得上論壇睇下post/上考參網站搵資料,特別係留意d關於社會時事既網頁,好多時都可以俾到d角度,idea俾你。
我就鐘意睇網上d新聞辯論post,通常我兩面都會睇,睇下佢地各自有咩睇法,然後自己又會分析下有咩好有咩唔好。縱使我唔駛讀通識,但都覺得幾有趣,畢竟同日常生活有關係嘛!
單睇新聞只係會令你知多d,但唔等於會令你更加識唸,如果你唔擅長多角度思考就最好同時參考下其他人既言論/見解,然後自己又去唸下有咩可取/不可取既地方,當係見多識廣lo。
當你知得多(and熟悉學過既特別詞彙),答題目既時候自然多野寫,內容夠多而且具批判性/個人見解就高分啦,不過有時分數高低差異真係無可避免,始終改卷老師都係人一個,唔buy你既話就一定唔會高分,不過generally如果份功課係合符以上特點既話就低極有限。

數學就真係好見仁見智,因為一個老師要就哂全班+教學進度,所以學生資質差異+老師教學表現差異或會導致有人聽唔明,呢個時候最好係多d請教身邊既師兄師姐,又或者係班入面比較叻既人,一般有時間既話佢地都會願意解答你既問題,另外自己要多d參考一下課本/note入面既example,做番d練習,嘗試自己去理解一下當中既概念。我曾經幫f.5學生補習,撞過一d數學麻麻既學生真係成個chapter幾乎所有野都睇+聽唔明/唔識應用,如果你係嚴重到呢個程度既話最好就去出面搵私人補習幫輕下啦。

冇計啦,而家好多老師都是這樣,我都有同感(相信同你不是在同一所學校),隔離班老師改倦比分好鬆,自己班一啲分都唔比,我次次都是不好彩的一個,所以自己請私人老師補習,佢都話點解你有答佢一分都唔比,而我都不是答錯,點都應該比啲分,而數學做老師同你果個一樣,當我地天才,不過冇計啦,有啲人由細到大到有去開補習社,啲嘢一早就學晒,所以1有人高分就當自己教得好,我而家只可說要自救多福, 靠自己及快啲請補習老師吧!