最近男朋友去完camp後成個人變晒

我覺得, 要睇下你男友, 係d咩性格既人,如果佢係一d小朋友性格既, 佢可能係發緊你脾氣, 俾d 時間佢, 咁等佢cool down 再問佢發生咩事, 咁就ok 既. 其實, 你係網上打左果個野, 我覺得只係你既感受, 話俾佢知 (但係唔知你果句野個語氣係唔係好唔好啦), 如果真係好唔好, 佢可能真係會嬲左你都未定既, 因為你知男仔, 有一d 好大男人架, 佢地會覺得你咁樣樣講, 會令到佢好冇面既... = ="

想知佢有冇第2個, 其他可以唔駛問佢先, 你要先知道, 佢去果個係咩camp, 有咩人join 左呢個camp, 呢d, 係fb 應該可以搵到, 之後, 你就睇下果個camp 有冇相同埋佢有冇同一d 人特別close, 如果有既, 咁好大機會, 亦睇下佢去完個camp 後, 有冇add 到一d 女仔, 佢地亦有可能係"新歡", 如果有既, 咁你都知道係咩一回事, 咁再加上佢叫你執野走, 咁即係好明顯係咩事, 我諗你都會知道.

但如果冇咩野証明到, 佢係有第2個既, 咁我覺得, 你應該去問下, 但要收起你既"惡"態度, 如果唔係就會有嘈交收場, 語氣好少少, 嗲d, 咁問下佢咩事, 如果佢都仲係唔講你知既, 咁你只可以試下係佢朋友度問既.

如果佢真係執意要咁做, 你tum 番佢, 嗲佢都唔得既, 咁就好明顯係想同你分手了, 呢個時候你亦要做定最壞打算...

:)

2011-05-14 22:44:29 補充：
有時, 有d男人就係咁, 佢地會唔想你同第2個人一齊, 但自己就出去玩, 係咁既, 如果可以早一步俾你知道佢係一d 咁既人, 都好既, 至少而家係分手, 但如果唔係, 遲d就可以變離婚架啦- -" 講真丫, 一個你都搵唔到佢既人, 但佢又要成日管住你, 真係好唔公平呢..

2011-05-16 19:28:02 補充：
見你咁講, 個情況有一d 似, 係佢果個女同學有左第2個, 就搵你去"sip"時間, 男仔唔知點解, 都好鍾意用"你真係唔過黎?""你真係唔要?""唔要冇架啦" 呢一d 句子攪到個女仔覺得只係得一次機會咁, 我覺得要睇番呢個男仔仲值唔值得你放時間落去, 如果值既, 就去啦, 如果唔值既, 就唔好理佢, 誰會知道, 佢同一個時間打俾幾個人叫人陪佢呢?

2011-05-16 19:29:24 補充：
如果你亦話佢係一個又冷又熱既人, 我覺得唔係太好lor, 男仔就係咁見到你有第2個, 又唔甘心你俾人搶左去, 所以先會咁, 男仔如果係鍾意幾個女仔既話, 又點會唔想享齊人之福呢?

2011-05-17 20:20:28 補充：
我都同你有同感, 邊有可能睇完就想同你係埋一齊, 咁下次呢? 如果下次再嘈, 又冇一本咁既野, 佢又甩左你啦wor? 我覺得, 放手可能會比較好, 就算你唔想放, 我覺得, 你應該俾一d 時間你自己, 跳番出黎, 靜番一兩個星期, 以外人既身份, 心水清一d 睇呢件事, 如果你覺得仲係值得既, 就同番佢一齊, otherwise... 放手可能會好一d.

唔知點解我聽完都覺得佢好可能有第3者, 你現在要冷靜d先.......因為冇可能一下子知道係發生咩事架嘛 ! 問佢係唔係有第2個就更加唔好, 如果佢真係冇你地仲大鑊, 佢會覺得你唔信任佢, 你現在唯有靜觀其變, 得閑就揾下佢問下佢近況keep 住有聯絡就得, 唔好問太多其他野,等佢自己諗清楚佢想點先攞.....

2011-05-14 10:17:46 補充：
呢個男仔咁絕, 叫得你過去執野, 即係要同你分手架啦 !　呢個唔係一個好男仔　，冇情義..................

2011-05-16 22:25:24 補充：
呢個真係唔係好男仔, 放棄啦.......................

我自己本人都係男人

我覺得個男仔同你講,係佢唔好,係佢錯,佢唔識拍拖,比小小時間佢冷靜

哩個都係籍口黎,係一個唔負責既人

一個男人會突然轉變咁大

得兩個原因,一係之前既感情事未解決

一係另有新歡

你對於一個男人太著緊..佢係唔會珍惜架..你唔可以成日搵佢

你要比佢感覺得你可以隨時離開他

你要變得對佢可有可無,佢就會搵返你

佢咁樣SEND信息比你..你覆佢幾隻字就夠啦

{哦..是但}