有關分不清是曖昧還是朋友的關係!!!期待有人可解答

根據個人經驗架咋;不能盡信.
1) 會,嘢都唔講多句,不過上到MSN就會系咁傾,傾好耐.
2) 關係好好不過唔想俾人知,咁唔想俾人知就有啲問題啦...
3) 個男仔/女仔好想同你熟落,不過唔想俾人知道你哋識...要睇下拒會唔會有事暗示拒...囉~
4) 睇下拒係咪成日撩女仔/男仔傾計,睇拒異性朋友係咪好好好多,睇拒識既異性係咪大部分系令女/令仔,睇拒望異性既眼神同動作.
5) 有時大家系網上太熟,見到面會有少少唔識應付,所以會有啲尷尬...
6) 問下你系邊可能只係出於好奇,我同啲朋友都好鍾意問對方系邊,但係我唔會鍾意同性架嘛;所以唔好太緊張.
7) 大家熟咗但係會驚聽到把聲,如果拒真係鍾意你,會尷尬同唔知講乜好.但係msn可以隨便搵啲嘢傾下都得.
8) 成日望著可能系覺得呢種感覺好得意,想同對方講野不過又唔想俾人知,或者系想你知道拒見到你.
9) 有可能...因為拒想你以為拒真係想你媾第二個,話想媾你(講笑feel)可能系想試下你對拒有冇feel.
10) 有啲曖昧啦...因為無啦啦就算系異性既best fds都唔會咁得閒叫你起身啦...
11) 如果拒無啦啦提起你同啊邊個邊個行得好埋,扮到毫不在意其實心裡面可能好擔心你對拒冇feel或者msn個個人訊息度可能暗示咗啲嘢既...因為我都系用個人訊息黎暗示...
多謝你祝我幸福:)
但係可能我分析錯架!

1.如果我中意佢一個人既話.
可能都會係學校對佢好似好cool咁.
好似好唔在乎咁.
之後就會係msn/sms果個狂同佢傾計.

2.我諗一起就係d超好既朋友.
一係就係情侶.
因為單獨一齊做某d野呢.
只會係普通朋友會做既野.

3.其實如果你覺得悶既話.你都唔會想再做果件事啦-.-
>我諗係中意-.-

4.呢d野就好難講既.
當A男/女係好花心啦.
佢地同左B男/女分手之後.
好快就會同C.D.E...男/女一齊.
p.s 通常花心果d都係令女/仔

5.如果我唔中意佢既話,我唔係同佢傾得咁熟囉-.-
緊張既話我就覺得係對住中意既人面前先會.
因為你會驚你中意既人唔知點諗.
同埋呢面對面都係同一理由.(↑)
因為你會想知你中意既人點諗你.

6.緊係有feel啦.
如果冇feel既話.
點會咁好傾?
就係因為你中意佢.
先會想同佢傾咁耐.
因為唔想同佢既話題中斷.
如果對方唔中意你既話.
我諗都唔會陪你傾.
講句「我訓啦.88」
就得啦~

7.因為傾電話會好尷尬.
你同佢傾msn.sms都可以慢慢諗話題.
但係電話就唔得.
因為你又驚你把voice唔好聽.
又驚自己d語氣會怪咁.
(之前唔知係邊到睇過,
總有一個人,每日可以幾十條sms.但係一打電話就尷尬,
咁係因為你中意佢)

8.緊係啦!!
因為你中意佢.
先會有意冇意睇下佢想做d咩.

9.哈哈.
我諗呢d都會既.
我有時都會咁.
不過好似係講笑咁.
「喂.溝得過wo」
↑我試過咁講↑

10.有曖昧!!
如果你唔中意佢.
得閒冇事.
冇啦啦點會叫佢起身.
真係「炎」少野做咩-.-?

11.哈哈.
呢個我有經驗xd
1.冇啦啦唔係幾想理你
2.冇啦啦問你岩岩果個係邊個
3.冇啦啦會扮哂冇野咁,但係又會想你問佢做咩唔開心

我11題答哂xd
加油:)
我都希望你會幸福啦:p

1) 我唔會但有D咁既人,可能係怕羞怕緊張,唔敢單獨傾計甚至會避開!但係SMS同MSN見唔到佢就會放膽D講野.

2) 關係好好, 一班人一齊出街玩到好夜對OUTGOING既人黎講都係D普通既事, 成日單獨傾計證明佢地好friend/對另一個有意思.

3) 會! 如果男/女係d好outgoing既人, 或佢地d friend都係d咁既人, 佢會覺得咁夜約佢出街都冇咩問題

冇話唔會架, 係學校唔熟, 但係會出街玩會msn,但係做到好朋友,我都試過!有時d野係睇夾唔夾,學校唔講野代表唔到d咩, 可能大家唔係與同一班friend玩/時間唔夾啫

4) 花心既定義個個唔同!有人覺得成人同人講甜野、口花花就係花心, 有人覺得同異性玩得好埋,例如會打下罵下都係花心, 甚至有人覺得成日望靚女靚仔都算花心添!不過普遍黎講花心就係會一腳踏兩船既人

5) 對唔中意既人一定唔會緊張,但唔會講到好熟, 因為你會連同佢講多幾句野都唔願, 除非你地係玩開既同一班人, 咁就避唔到唔講野啫; 對中意既人都唔一定會緊張,可能會無咁自然, 但會盡量比好既一面佢睇

6) 咁我覺得係中意啦, 如果只係朋友既話邊有咁多野可以傾!而且都唔會唔訓覺咁得閒同你傾咁耐! 如果係中意你既, 通常會緊張你, 你有一日冇搵佢就想問下你係邊、做緊咩, 同埋呢個可能係暗示黎--暗示佢在意你既存在, 其他同類既暗示包括有?
7) 其實我都係d咁既人, 寧願msn/sms都唔會打電話, 呢種感覺我好清楚, 打電話會好尷尬, 仲有可能deadair, 有可能收唔清聽錯...其實打電話同msn同sms都差唔多, 都係見唔到樣架啦, 咁點解唔書面講?一係就親口講!

8) 岩岩講左, 係學校扮唔識其實冇咩野, 其他人覺得你地唔熟但實際上又未必係咁! 成日望著你可以係其中一個中意你既因素, 但係確定佢係咪中意你唔應該正係睇呢樣野,詳情請睇呢篇:
http://hk.knowledge.yahoo.com/question/question?qid=7011042901560

9) 當兩個人太熟會唔敢走埋一齊(拍拖), 因為驚攤牌之後原來對方只當你係朋友, 最後會去唔返表白之前果種友好程度! 或者雙方自信不足, 所以唔敢表白, 所以講笑咁講話想溝你, 其實係一個試探黎!
叫自己中意既人溝其他人? 我就知道有d咁既人!原因有待發掘-.-!

10) 哈哈 , 我以前仲細, 都覺得呢樣係有d曖昧,但原來唔係!
後來先發現原來唔少人都會咁做, 身邊都有幾個女仔唔介意做人地鬧鐘^^

11) 可唔可以比個情景我呀...咁樣好難講...

哇....我終於答囇11條啦, 你比唔比最佳我我都無所謂啦, 因為你係令個咁耐以黎打得最多字果個!

其實我仲想答埋你個標題果條問題嫁! 係補充度先答啦...

2011-05-13 18:45:07 補充：
憑你上面十一條問題, 雖然我唔可以確定對方係男定女, 但從對方對你既行為、態度, 我認為佢可能係個怕羞既人或者／o係感情上比較怯懦，對於踏前一步你地既關係會猶疑，唔係咁想比佢ｄ朋友／你ｄ朋友知道你地既關係，又或者係未明朗所以唔想公開

男女都好, 有d人會當拍拖係一場遊戲, 唔會認真看待, 呢d就係曖昩。佢地唔係真係中意你, 佢地唔會表白, 但會拖住你唔放, 例如會比d暗示你等你以為佢中意你, 目的只為享受你既愛同禮物, 呢d人, 真係避無可避, 就算你睇人好叻, 果d高手有心呃你你都仲係會中招~睇你好彩唔好彩!

2011-05-13 18:46:00 補充：
如果我上面分析既佢既人品係真既話，咁佢就應該唔係曖昧而係真心中意你；如果佢係ｄ口花花好識冧女/冧男仔既人,咁就有可能係玩你啦...

如果你唔係中意佢/如果你好享受而家既關係你可以唔洗理,可以繼續咁落去嫁。如果你真係想知道佢對你係有心定玩你, 你就攤牌啦~因為如果佢係玩曖昧既, 佢係唔會應承做你男朋友, 攤左牌就冇野好玩, 佢就唔會再比錯覺你估下估下架啦...

真心想幫到你，如果有咩唔明唔同意歡迎再補充

2011-05-14 09:36:01 補充：
?= 你病左會好緊張你、好關心你; 你突然幾天講少左野,佢會問你係咪唔開心, 點解冷淡左咁多~