到底她是不是對我少少好感也沒有？(20點)

我是男。佢係我識左3年既同學。今年中六，我同佢同班，近幾個月仲同佢坐附近。咁咪開始傾多左計。不過一直都係我主動揾佢，佢唔會主動揾我。但係佢對其他男仔都係咁。咁我之前中意左另一個人，失敗左，就揾佢訴苦。佢msn都聽我講。咁我對尼個女仔一直都有好感，咁過左1,2星期，我開始中意左尼個女仔。咁我開始追佢，成日call佢，又係學校係咁幫佢。可能我做得好明顯，嚇親佢。佢個fd不久就話佢對我冇feel，只係當我好朋友。佢本人之後msn都同我講佢而家唔想同任何人有咩發展，佢希望我同佢仲係好朋友。咁我咪冇之前做得咁明顯。不過我仲係中意佢。可惜係佢最近開始只係應付我。我問佢咩，佢只係答我，唔多想講多句。同其他人傾都有講有笑。我問佢出左咩事。佢話佢估到我問d咩，幾難答，不過佢估我好需要個答案咪答lo，同埋我講d話題吸引唔到佢。咁可能我之前有幾次問佢覺唔覺得我煩，佢會唔會再覺得我煩之類既問題(我之前成日call佢，佢覺得我幾煩，不過now佢話冇，佢好肯定咁講)，又可能我只係識得問佢有冇遲到之類既問題。之後佢又話佢會改變下佢對我既態度，因為佢知咁會令我唔開心。佢只係希望能夠維持好朋友關係就夠。^^佢話唔係，只係覺得我執著，佢覺得好少事都睇到好重，同埋我有少少悶。我諗唔止少少。
由以上咁睇，佢係唔係只係當我係fd？佢講野有少少誇張，我知道我只係佢比較熟既朋友。不過佢好似幾睇重我尼個朋友。之前我有幾次冇揾佢，佢以為我嬲佢，黑佢面。其實我仲有冇機會？佢對我有冇少少好感？佢d fd好似好肯定佢對我一d意思都冇.....同埋我唔知放棄好，定係繼續中意佢，到f7完左再表白？同埋我唔知講咩可以唔悶，吸引到佢？佢好似冇咩特別中意既野，d女仔同佢傾咩好開心咁......
我唔係個花心既人，我真係好中意尼個女仔。不過我想知道個情況係幾差，同有咩我可以做，定係一d希望都冇。希望各位可以幫下手，講下我同佢到底係點同我應該點做。thx