破產問題(求專業人士~~吾該!!!!)

秋藤草 網友你好！對於閣下 的提問，在下 cecimak 有如下的意見想發表，但請注意這些個人意見祇供你作參考之用，並不保證絕對正確！

其實樓上網友的答案中已基本回答了你部分的疑問，祇是略嫌簡單讓在下稍作補充，希望能幫助 秋藤草 網友有更深入的了解！

首先你欠債不多，總數才祇十萬（在下當年生意失敗，破產時債務總額約二百萬元），相對破產的後果，選擇申請破產並不值得！而且單單申請破產的費用，便要 $9,695元，這還是自行申請，如果委託律師辦理，尚要多花三至五千元呢！

由於 秋藤草 網友無提及工作的性質和收入，如果收入穩定和超過月薪一萬元以上，應該可以選擇「債務重組」和「債務一筆清」之類的改善債務方法！通過減低利息支出和控制開支，以分期方式還清債務，總較貿然申請破產為好！

當然在下作為一個曾破產者，自亦明白當人到山窮水盡之時，無能力就是無能力還！要破產亦是無奈的選擇！就 秋藤草 網友其他問題，在下的意見如下！

第一:破產會吾會影響到我屋企人?

答：不會！香港的債務和破產法例祇管個人，家人縱有千萬家財，祇要不願意，亦無代破產者償債的責任和義務！同樣地破產理論上不會對家人造成影響！
不過一些跟家人聯名持有的，如物業、聯名戶口、保管箱、保險、公司業務，或是代家人持有的資產等，將會隨著申請破產而受到牽連！故要先處理好這些才好申請破產，否則被破產管理署充公和控制將非常麻煩！

第二:我甘多數係身?我破左產之後係點既情況?

答：債務數目多寡其實分別不大！理論上你破產後，所有債權人都不會再向你作出討債的行為！如果你有工作收入，那在扣除署方釐定給你的生活費後，如有餘額將會上繳給署方用作償債之用！如果無餘額或者根本無工作收入，自然無需上繳還債！

第三:我個fd果筆錢我可以繼續還比佢(因為筆錢係我fd問佢d fd借既)

答：在道義上應該要還！但在破產期間千萬不能私下向任何人還債！任何未得到破產管理署長同意下的償債行為，都會被視為不誠實申報和非法轉移資產！到時收授雙方都會被署方追究，有機會觸犯破產法例而被刑事檢控，罪成可以判監的！故千萬別誤墮法網，到時連累朋友便後悔莫及！
當然有人會認為署方不知道就無事，亦如樓上網友所言逐少歸還看似問題不大！但這始終是違法的行為，萬一東窗事發被控似乎並不值得！建議你跟朋友直言破產一事，表明依法無法即時還款，總之有拖無欠，待破產期滿始重新歸還！如果是好朋友的，斷無不體諒之理！第四:我破產之後...d財務公司會吾會騷擾我屋企人?(呢個我最驚~~~~因為我係網上都見過一些問答,我知一些吾知一些)

答：不會！除非那些是非法的大耳窿，因他們是不講法律的！如上所言，債務跟家人絕無關係！祇要家人無簽署作為你的借貸擔保人，則絕無代你償債的責任！
當然有些收數公司會說家人要負責，但這些祇是唬嚇一些不知情的人！而且祇要是合法的銀行或財務機構，自會依法行事！故當你破產後理論上將再無這些追數行為的出現！

第五:破產之後,我仲可以出入大陸和香港嗎?(因為我同我老婆每個月見一次)&仲可吾可以繼續比家用?)

答：可以！破產者不會被禁止離境，亦並非必要得到破產管理署同意才可出境！祇是為跟署方保持聯絡，理應在出入境時作出知會（也可以事後才申報）！不過老實說，在下當年破產時離境工作和外遊次數不知凡幾，卻從未申報過一次！
供養妻子的費用，要向署方如實申報！祇要你有正式的結婚證書，證明雙方合法的關係，那麼縱使妻子並非居港，依理都應該獲得署方接納家用的支出！

第六:我破產之後...點為之四年(四年係d咩來?)(點解要四年?)

答：因為破產法例一般是四年後自動解除，第一次破產是四年，第二次破產是五年！四年期由高等法院正式頒布破產令起計，滿四周年即期滿！四年祇是基本情況（假設無提早解除破產令，如提前還清債務），但並非每個個案都是滿四年便自動解除破產的！
如有債權人反對，甚至是破產管理署反對，如真有人反對則破產令最多可以延長至八年！反對的理由多數是破產者在破產期內有不誠實（如無如實申報收入和隱瞞資產）和操守行為令人不滿等（如生活奢華和不跟署方合作）！

cecimak 作為曾破產者的經驗和理解！希望可以幫到你！

第一:破產會吾會影響到我屋企人?
吾會架, 只係妳破產, 吾係妳屋企人, 所以對佢地冇乜影響既。

第二:我甘多數係身?我破左產之後係點既情況?
破左產有好多野都做吾到, 妳都要打工,
佢地會係妳果到扣, 直到妳還晒所有野。


第三:我個fd果筆錢我可以繼續還比佢(因為筆錢係我fd問佢d fd借既)
嗯, 還啦, 妳d fd 信得妳過既我估, 妳慢慢小小咁還啦,
同佢地講妳資金有d吾掂咁應該冇問題既。

第四:我破產之後...d財務公司會吾會騷擾我屋企人?(呢個我最驚~~~~因為我係網上都見過一些問答,我知一些吾知一些)
吾會架, 妳破產姐, 佢地果d人會幫妳還晒直到妳打工還番比佢地掛-_-我吾係好清楚……sorry.__.

第五:破產之後,我仲可以出入大陸和香港嗎?(因為我同我老婆每個月見一次)&仲可吾可以繼續比家用?)
吾可出入妳宜家住既地方, 姐係妳住香港就要留係香港咁
………可以寄信既, 比家用is ok la, 但係佢地有一定既錢比妳用,
妳比左家用屋企人可能會吾夠用, 小d洗牙記住。

第六:我破產之後...點為之四年(四年係d咩來?)(點解要四年?)
因為4年會有人睇住妳, 有人監督住妳睇妳既洗廢

1.唔會
2.破產管理局會就你是否有工作有收入嚟計算你每月還款多少，當然先扣除你
一切應要支出，例如交租、生活費之類
3.朋友信你先幫你，當然要還la
4.唔會
5.可以
6.四年內你一切嘅收入要申報，亦唔可以花費超過限額

如要更清楚可以打去一啲專幫人辦破產嘅律師樓問吓。