有一日, 我在行人路食煙, 因手指踫太近煙火的地方, 太燙所以手躲開了, 煙頭掉到地上, 在我想拾回之際, 有一個食環署的女職員走過來, 話我隨地丟棄煙頭, 向我要身份證, 我話我只係不小心跌左, 跟住我拾回煙頭, 但她說現在拾回已經沒有用, 一樣要給我罰單, 我當然不肯, 跟住有多兩個食環署職員上前, 左右包圍住我, 我跟他們理論, 他們說現在說什麼也沒有用, 只要他們有一個人見到, 就算沒證人證物都可以票控我, 我點都不肯給身份證, 他們說叫警察來, 警察來到之後, 向我要身份證, 警察說他們不能決定誰對誰錯, 並叫我將身份證交給食環署職員, 並記低我電話地址, 他們說我必須21天內繳付罰款, 如果對罰款有任何不滿, 可以打罰單後面的電話, 第日, 我打去問, 那個職員說21天後會有信寄到我家, 我可以回信上訴, 之後上庭由法官來決定, 那職員還說, 如果我訴訟失敗, 需要付堂費, 另外罰款最高$30000元和入獄6個月! ! ! ! !
各位, 我想問的是,
(1)只要他們一個人見到, 沒證人沒證物都可以控告人, 食環署職員真的有那麼大的權力嗎?
(2)如果他們有這樣權力, 那豈不是他們喜歡告誰就告誰, 像我這樣無理被控, 可以點做呢?
(3)上庭就要給堂費嗎? 有人有這樣經驗嗎?
(4)同政府打官司豈不是輸硬? 如果想買回公理, 就要付出$30000元, 仲要坐6個月, 我應該怎做好?
跌煙頭被食環署職員發罰單罰款
2011-05-10 11:43 am
回答 (4)
2011-05-10 9:29 pm
✔ 最佳答案
1. 食環署職員是授權檢控隨地丟棄垃圾的人.2. 佢祗係可以告你,唔可以話你有罪.你可以唔交罰款,唔認罪,上庭同法官提出証據,証明你無罪.
3. 如果要專登為你單case開庭,而你又係輸咗,咁就要比堂費.
4. 咁又未必,試過有警察砌人生豬肉,結果都比人告返轉頭啦.不過D法官都係信政府多D.除非你有好有力嘅証據,如果唔係,輸嘅機會好大.
我試個因為塞車而停車,老細就開門落車,跟住個警察行埋呢抄牌,告我禁區落客,根本就唔関我事,我本來就唔想認罪,後來D friend話如果上庭,法官就話,而家告你禁區落客,你認唔認罪?認,就罰錢,樓下交錢,唔認,就比個日期同時間你再上庭,咁佢就揾埋D證人嚟証明你禁區落客.唔通你同老細講,話佢唔應該落車嚟害你?又無咁多時間同佢玩,唯有死死氣地去交告票,嘆自己唔好彩.咪當破財擋災啦.
2011-05-15 1:40 pm
(1)只要他們一個人見到, 沒證人沒證物都可以控告人, 食環署職員真的有那麼大的權力嗎?
答: 或許, 閣下並不清楚他們“食環署”執勤情況, 才有這樣維護自身行為的言語。在行為心理學上而言, 閣下並無不妥; 但是, 這樣, 對任何人士來說, 都是無益的, 包括閣下, 因為, 愈來愈覺道理在自己一方, 錯誤是其他人。
食環署執行這類任務, 絕不會只得一人。這執行的模式, 執行人員知道, 警察知道, 法庭知道, 看來, 只有, 閣下不知道。
(4)同政府打官司豈不是輸硬? 如果想買回公理, 就要付出$30000元, 仲要坐6個月, 我應該怎做好?
答: 有錯就認, 沒有什麼大不了。
答: 或許, 閣下並不清楚他們“食環署”執勤情況, 才有這樣維護自身行為的言語。在行為心理學上而言, 閣下並無不妥; 但是, 這樣, 對任何人士來說, 都是無益的, 包括閣下, 因為, 愈來愈覺道理在自己一方, 錯誤是其他人。
食環署執行這類任務, 絕不會只得一人。這執行的模式, 執行人員知道, 警察知道, 法庭知道, 看來, 只有, 閣下不知道。
(4)同政府打官司豈不是輸硬? 如果想買回公理, 就要付出$30000元, 仲要坐6個月, 我應該怎做好?
答: 有錯就認, 沒有什麼大不了。
2011-05-14 5:06 am
市政人員無料, 好多怕上庭, 就連差人識拉, 但怕上庭....因為有壓力. 上庭通常有酌情, 因為計埋你可能要請假應訊, 所以罰會輕過千五都成日見到! 你認為事實並非現況, 點解唔上去講出事實! 不過要有SENCE, 唔好亂吹24.
2011-05-13 6:36 am
咁講啦,有時候我地睇一件事,唔係啱或者錯,而係有冇必要多事,
問一問,你無心之失,跌左煙頭落地而又咁啱俾食環署人員見到,機率實在好低,
咁衰法,你可以當係倒楣,
如果你固執維護自身公正,而要上訴,係可以,但係,你真係咁相信法律????
你真係認為上訴就可以還你公道?
我諗,一生人因唔小心跌煙頭而俾食環署人員老屈,絕對唔會係經常發生既事,
而且食環署人員有時都會借住一D灰色地帶去發告票交功課,
你唔小心同你有心跌煙頭,唔係咁易有客觀判斷,咁佢地咪有機會做你囉,
俾人罰掉煙頭,係好小既事,呢次算自己唔好彩,下次小心D,
你未上訴就已經諗得咁辛苦,上訴之後,我諗你冇覺好瞓啦,
自己去衡量得失,
問一問,你無心之失,跌左煙頭落地而又咁啱俾食環署人員見到,機率實在好低,
咁衰法,你可以當係倒楣,
如果你固執維護自身公正,而要上訴,係可以,但係,你真係咁相信法律????
你真係認為上訴就可以還你公道?
我諗,一生人因唔小心跌煙頭而俾食環署人員老屈,絕對唔會係經常發生既事,
而且食環署人員有時都會借住一D灰色地帶去發告票交功課,
你唔小心同你有心跌煙頭,唔係咁易有客觀判斷,咁佢地咪有機會做你囉,
俾人罰掉煙頭,係好小既事,呢次算自己唔好彩,下次小心D,
你未上訴就已經諗得咁辛苦,上訴之後,我諗你冇覺好瞓啦,
自己去衡量得失,
收錄日期: 2021-04-20 00:38:45
原文連結 [永久失效]:
https://hk.answers.yahoo.com/question/index?qid=20110510000051KK00199