分體式冷氣機同窗口分體式冷氣機有咩分別？

你嘅問題係正分體和窗口分體嘅分別?
靜方面不用想,因最嘈嘅散熱都在戶外,其實兩者最大分別係SIZE和外型,窗分SIZE較細,散熱外型像窗口機,啱按裝在窗口機石屎台,正分SIZE較高大,一般都要造機架按在外牆.窗分匹數只有兩匹以下,正分有較大匹數.而省電方面,應是散熱好D嘅正分,看能源標籤便知,窗分是沒有一級.而你那種公屋,按裝冷氣機唔可以伸出窗外,所以正分較適合,但如裝兩三部唔係好夠位,可選大金窗分,因為大金窗分散熱形狀和正分一樣,只是較正分矮小,所以較省位置.

2011-05-10 17:03:00 補充：
如果買機最好買變頻機會較省電D,而且一般冷氣機會使室內有溫差,因為當夠凍時outdoor車頭會停,停止制冷,熱返車頭才行(制冷),而變頻機嘅車頭係長行,會因應室內溫度而行快或慢,保持較穩定溫度.不過價錢會貴d.

如果住屋空氣不流通, 就最好裝分體冷氣機, 但分體機成本比窗口機貴一倍,
好好考慮. 而電費我就覺得差不多.

1.分別係合體同分體嘅分別

2.理論上係分體機較靜

3.如果可以裝係大厦外牆，咁就裝分體機，否則裝邊種都無關係