獨資公司沒有正式營業和生意, 如何報稅

你的公司是獨資經營 (Sole Proprietorship) (即無限公司)? 還是有限公司 (Limited Company)?


你可以參考以下文章:

http://hk.knowledge.yahoo.com/question/article?qid=6911050700795


如果是獨資經營，你可以參考以下文章提及報稅時要留意的事項:

http://hk.knowledge.yahoo.com/question/article?qid=6911043000354


你收到的是否 個人報稅表 (Individual Tax Return) ? 還是 公司名義 的利得稅報稅表 (Profits Tax Return)? 你睇返報稅表最上方標題有寫的。


依你的情況，應是個人報稅表。


假設你的公司是獨資經營，而是上年度八月內辦理了商業登記，而開展了業務 (無論你是否有生意)，你都要在個人報稅表第五部份，填上獨資經營的資料。


你需要編製損益表 (Profit and Loss Statement) 及資產負債表 (Balance Sheet)，並在上面簽名作實。這兩份文件便是東主核證帳目 (Certified Accounts)，你將這份東主核證帳目，加埋利得稅計算表 (Profits Tax Computation) 及相關明細表 (Supporting Analysis)，連埋填妥好及簽左名的個人報稅表一併交回稅務局便完成了報稅工作。


至於編製帳目是否自己可以做到? 這要視乎你自己的會計知識，可否分開收入、支出、資產、負債及東主提現等分類。外面找人幫手，收費都不是很高。


如果你自己可以編製，你可以到稅務局下載IR957A利得稅計算表(獨資經營業務)，以編製利得稅計算表:

http://www.ird.gov.hk/chi/pdf/ir957ac.pdf

如果有虧損，你又有其他收入 (如: 租金收入)，便可以在第六部份選擇個人入息課稅，詳細程序請參考上面的文章。這可以減少個人總入息。不申請的話，虧損可以帶去下年度以減少下年度可能有的應評稅利潤。


如果你沒有任何生意做過，即沒有收入，沒有支出，你在第五部份填上 "0" 便可以。

你真係想結束業務的話，可以去稅務局申請結業 (即取消商業登記):

http://www.ird.gov.hk/chi/tax/bre_cbr.htm


否則，每年商業登記署都會寄返商業登記證叫你交費更新。


獨資經營的話，你自己是東主，便算是自僱人士 (即使沒有僱用任何員工)。需要自行成立強積金計劃。可以參考:

http://www.mpfa.org.hk/tc_chi/abt_mpfs/abt_mpfs_fms/abt_mpfs_fms_con/abt_mpfs_fms_con.html

注意: 如業務有所虧損，自僱人士可向受託人（強積金服務提供者）提交結算表，展示虧損的數額以及虧損如何計算得來，並要求暫停作出強制性供款，直至有關入息超過最低入息水平（每月$5,000或每年$60,000）為止。

更改業務方面，你說的是對的。詳細可以參考 (沒有額外收費):


http://www.ird.gov.hk/chi/tax/bre_cbp.htm#2


你辦理商業登記那一刻是算是 "開業"，你儲好晒收入、支出、資產、負債及東主提現等單據。如果有公司銀行戶口，便要儲好所有月結單及通知書。


其他商業登記的資料，可以參考:


http://www.ird.gov.hk/chi/tax/bre.htm


有乜問題可以再電郵我。

====

2011-05-08 11:32:45 補充：
你提及: 但每個月我都需要交租金

請問是用你個人名還是公司名租用? 如果是個人名，便不可以當公司支出。而且，你沒有任何收入的話，稅務局是不會接受你有虧損，即本年度的虧損不可以帶去下一年度用。

2011-05-09 10:42:25 補充：
第5部份是利得稅部份，即你做生意的資料。你說沒有生意，那營業額當然是填 "0"。

問:任何收入是指公司還是我的收入嗎? 即是因為沒有生意,所以不能當是有虧損?

任何收入是指公司的，即你的公司如果沒有任何收入，即使有支出而引致虧損，稅務局不會接受你的公司的虧損，因為你的公司根本沒有生意，那些支出沒有產生任何收入。即係話你不可以將公司的虧損帶去下一年度用，也不可以通過選擇個人入息課稅，將該筆虧損用作減少你其他的收入 (如: 如受僱而收取的薪金)。因此，不能煘少你的總入息。

你第5部份全部填"0"及寫明沒有任何收入，不用編製損益表及資產負債表。有乜可電郵再問，因Yahoo!有字數限制!
　　

簡單case簡單答, 希望幫到你:

1. 獨資業務係填"個人報稅表"第5part - 利得稅;

2. 業務名稱同BR#跟返BR黎填;

3. 有入貨冇出貨, 即係冇銷售冇營業額 (若你公司業務只有銷售貨品的話), 咁營業額係填"0"; 毛利填"0";

4. 帳目所示的純利/(虧損) 跟返你的帳目, 冇正式記帳唔緊要, 所有業務收入減所有業務支出果個數就係. 若果連其他收入都冇, 即係你所有既業務支出總數就係帳目所示虧損;

5. 應評稅利潤/(經調整虧損)要睇你有咩支出要調整同有冇折舊免稅額等等, 若果你所有支出都係有關你個業務既, 而又冇包括政府罰款, stamp duty等既支出的話, 兼且又冇傢俬電器裝修的話, 一般都冇乜好調整;

6. 認可慈善捐款, 有就填, 冇就"0";

7. 自僱人士MPF, 有就填, 冇就"0".

8. 利得稅須要keep返相關業務既會計紀錄, 簡單黎講, keep哂所有contract, agreement, 單據, statements, 帳目, etc.; B/S P&L冇做就做左佢, 唔識就當填form咁填哂佢自己keep record就可以喇, 因為收入少過二百萬係唔使上俾稅局既.

9. 業務虧損, 有揀"個人入息課稅"係可以扣落你既個人總入息, 冇揀就會帶落下年扣將來既業務利潤; 果D話冇營業就冇虧損果D論調可以不理.

其他問題:-

1. 自僱人MPF, 須唔須要交都要去做, 是但搵間做MPF既同你登記左佢, 佢地會好盡責咁話俾你聽你幾時要供幾時唔使供, 你個case就一定E家唔使供, 但唔代表可以唔登記.

2. 商業登記係每年要交, 唔交就會俾稅局追, 取消係要填form去notice稅局.

3. from time to time都可以改業務名稱, 唔使錢. 你個公司名「只係」你既業務名稱, 所以可以隨時改.

P.S. 以上資料最低消費$500, E家免費送俾你, 有咩唔明可以再email問我, 隨時歡迎查詢.

關於利得稅部份我該怎樣填呢.是虧損嗎?由於未有營業﹝即係無收入！﹞，所以不用填，而唔係「0」！可以找做會計的朋友幫忙嗎? 還是要找專業公司做?何時要交給稅局呢? 看過有人說是公司開業一年半後.由於無收入，自己填就得啦！一年半係指有限公司要於成立後十八個月內要舉行第一次週年股東大會，而席間要展示經審計財務報表：你係獨資公司所以無咁嘅限制！強積金是連我自己也要供款嗎?你有儸員當然要供強積金！獨資東主祇要供收入5%就可以，因為東主就係公司。但又如果我最後一年過去,我仍然沒有營業或生意是要去取消商業登記? 還是因為我的登記是一年,它會自動取消的?取消與否由東主決定，亦要由東主填表通知稅務局。登記係唔會自己取消。為免收到法庭傳票，做好文件俾政府！結業要填IRC3113。如果想加上中文名稱.是不是只需要 填 妥 遞 交 IRC 表 格 第 3110A 號 去商業登記 通知更改業務名稱加上中文名稱就可以? 不需要付款?正確！稅務處理係一門學問，唔係都唔使讀咁多書啦！僅供參考！