未婚懷孕,仲有幫男友還錢.而男友又一走了之

●老實講呢d男人即飛，得罪講句，你真係太蠢，你同佢一齊，佢唔理你不止，仲要你幫佢還債，呢ｄ根本就唔係男人既所為，仲成日講大話，根本就係利用你，呢ｄ男人根本唔值得你珍惜，做女人果斷ｄ先能夠保護到自己，佢對你唔好，你就唔應該再同佢一齊，再者，你話佢有另一頭住家，甘好明顯只係對你抱玩玩下既心態，同你一齊無可能會長久，所以離開佢啦！
●仲有一點我想講既係，大家對墮胎既睇法，我知好多人都會覺得落左佢係好
殘忍，畢竟係自己親生既，但你諗真ｄ落左佢只係一時既痛苦，但生左佢黎，而你又唔能夠比到幸福佢既話，甘就累左個ｂｂ一世，諗清楚，如果無能力，你真係想佢出黎捱苦？可能你覺得我諗得太現實，親情唔可以甘計，的確，我唔係女人，我唔明白做媽媽既心情，我只係以ｂｂ將來黎諗！
●你屋企人知唔知你有左？佢地唔會過問你既事？其實你唔想同屋企人講，你
驚佢地責怪你，話你唔生性；我都係過來人，我明白果種心情，做錯事又驚比人鬧，你可以先搵社工求助。
●女仔唔識煮野事少，嫁錯男人先事大，唔識煮可以學，嫁錯左就一世架啦
所以希望你經歷完呢次事件後，做每件事都要諗清諗楚，要帶眼識人，如果
佢係愛你既話唔會唔理你感受。
●我覺得離開佢係你最好既選擇，之後再同家人坦白，係就係可能會比人鬧，
但係甘總好過自己收收埋埋，屈埋晒係心，最後搵社工求助。
●做女仔要堅強ｄ先保護到自己，喊亦都無補於事，既然禍係自己’’廠’’既，甘
就應該自己去承擔番，唔好指意有邊個會幫你執手尾，幫到你既只有你自己一個，勇敢ｄ去面對啦～（雖然講左好多廢話，但希望幫到你）
有ｄ咩可以mail我架（[email protected]）

小妹, 你既問題相當複雜, 本人剛剛成為父親, 所以對於你既問題比較有感受。綜合你所講既野, 你有幾個問題。

1/ 應唔應該同屋企人講: 我認為要, 仲要早d講, 無論個結果係點。原因有3, 第1, 反正有bb既事無可能穩暪得到, 早d講, 同遲d講結果都係要講; 第2, 一人計短, 二人計長, 你認為你爸爸怪責你, 但屋企人永遠都係屋企人, 朋友間長貧難顧, 難聽d請以後你有咩3長2短, 都係要靠bb既公公婆婆, 岩唔岩? 第3, 可以讓你屋企人有早d既準備, 就算最壞打算佢地要趕走你, 你都早d可以安排搵地方搬oY, 再講, 或者結果未必你想像咁壞。

第2個問題, 我認為你唔應該"幫"你既男朋友還錢, 你上面好似無講係咩理由, 總之, 我認為只要唔涉及法律問題, 例如只要你唔係咩借貸擔保人, 又或者樓宇按揭既借貸人等。簡單D講, 呢個時候有錢都應該留比BB啦, 你理得佢欠人錢比人淋紅油又好, 什至比人打死都好, BB既生活費點樣都係優先要考慮---因為你已經決定要生啦, 係唔係?

第3個問題: 搵工, 除非你好幸運, 有咩大老闆又好有善心咁向呢度睇到你個POST, 如果唔係應該唔會有人介紹, 就算有你都要小心, 因為呢度係YAHOO, 唔係勞工處。至於洗費點解決, 我認為你應該等生完BB先再講, 因為, 你現在既身體健康狀態係好緊要, 身子唔好, 身個BB出來如果唔夠強壯或者體弱, 到時你真係搵多多都補唔返

第4, 亦係最重要既問題, 我估唔需要任何人去話你聽呢個男人仲值唔值得你再去愛, 或者等, 或者叫留戀, 但你的確好有需要同佢講清講楚責任既問題, 佢可以負責幾多, 會願意負責幾多, 例如BB出世都要食奶, 咁佢可唔可以負擔下, 或者BB有咩病痛要睇醫生, 佢到時又會唔會出現, 比錢或者比決定等等, 你唔能夠再依賴佢了, 因為你從呢一秒開始, 你要為自己同BB既將來面對現實了。

另外想講, 其實BB唔難照顧, 但除左照顧既問題, 教育, 貫輸正確既價值觀,等等呢D先係要特別正視既問題, 你係唔應該咁隨便就決定生BB, 但既來之則安之,決定左就咬緊牙關啦啦! 將問題一一解決, 唔好再憂心太多了。
祝好~

我覺得你應該要十五一十講哂比你既家人知道件事,講哂之後有錯既就認錯~家人一定會支持你, 你唔好再幫男朋友還債呀, 留返d錢比bb好過啦~就算生左bb做唔到野,你都可以拿綜緩,綜緩仲會幫你比屋租,再唔掂仲可以搵社工,佢地一定會幫你,bb出左世你就會知道咩先係對你最重要~就係bb同你既家人^^~就算咩都唔識,你都可以照顧到bb~因為我朋友都係無人幫佢手,自己一個湊大個女,佢以家雖然無老公係身邊,不過佢同佢個女生活得好好...你都要加油呀~