男仔中意女仔嗎? [15點]

有少少長 希望有心人幫手分析下:D男仔同女仔今年都係F.1 佢地第一次見面係升中前嘅預備班
女仔本身學業成績好好 個樣都幾靚 比較稚氣性格就係係愛情方面好怕羞 但同fd一齊就活潑DD人對佢嘅評價多數係 叻囡 可愛 靚女 優雅 文靜 個類把聲幾甜 識跳芭蕾舞 但係音樂同連動刀唔叻 唔識游水
男仔成績無女仔咁好 但同女仔一齊入咗精英班輪廓好清晰 戴眼鏡 望落去係個斯文嘅靚仔但佢反而運動幾好 特別游水好快因為幽默感 異性緣都好好
開學無幾耐 女仔雖然未同男仔傾過計 但對佢有好感開頭都未有話中意個男仔 只係想同佢做朋友由於女仔坐最後個行 男仔坐最前個行女仔成日都會偷偷望個男仔 意想不到嘅係 男仔有時擰轉面 啱啱就望返女仔大家一齊呆左 又望去第二度 好多時都係咁直到有一次女仔幫老師收錢 個男仔主動去女仔個位到同佢傾計個時女仔先知男仔係預備班個陣已經有留意佢傾傾下女仔對男仔嘅好感更加多左從此交談機會都多好多
女仔開始發現自己中意左男仔 但都唔敢作出咩表示因為男仔係班入面都有緋聞 而且同另外幾個女仔嘅關係都唔錯原本女仔都唸住放棄 至少可以同男仔做到朋友但有幾件事令到女仔覺得自己仲有機會
1)有一日老師為左表揚佢地係某某比賽入面嘅好表現於是送1 pack 2 支嘅間尺 老師抽籤 抽中揀先然後自己留一把 另一把送比欣賞嘅人 每人一把女仔個日做值日生 落左校務處拎野返課室見到間尺 但幾個fd都話唔係佢地送 好早已經有個陣女仔發現男仔臉紅紅咁望住佢有人同女仔講係男仔送比佢 男仔即場認左
2)聖誕聯歡會玩大風吹 原本女仔同fd坐埋一齊玩玩下男仔坐左係佢隔離 本身都好平常老師話轉game 唔好再調位女仔梗係有D怕羞啦 但男仔都臉紅紅咁笑住望住佢佢地都無講野 就咁靜靜地望住對方
3)有一次男仔問女仔住係邊 話要跟蹤佢返屋企佢真係一直靜靜地咁係女仔後面行要分路個陣 男仔拍女仔膊頭 話'我走啦拜拜'女仔微笑同男仔講'拜拜 聽日見'男仔笑得好甜 轉身跑左入地鐵站
4)男仔英文堂因為被老師罰要企起身 一直低頭望住女仔女仔同另一個女仔傾緊wb答案'subject用we唔用I得唔得阿?'男仔笑住'咩we喎...老師咪話左I囉'女仔'知啦 you都得嘛'男仔'係囉...得I同you...'女仔'I同you加埋咪we囉:)'個時女仔純粹真係唸緊英文D野但男仔好似若有所思咁呆左一呆 又笑左下咁女仔見到佢咁樣再唸下個意思 又好似有少少尷尬咁 就繼續做功課
女仔覺得佢地之間有D曖味到左而家 佢地啱啱好坐係對方隔離男仔有咩好笑野都會同女仔講中意叫女仔個英文名或者係'魚魚'又試過話女仔靚女同可愛一直都好開心 好sweet但佢地之間又無比人話或者傳喎都算幾低調 真係標準嘅金牛處女配囉
女仔有少少擔心出年同男仔會唔同班 相處時間少咗感情會生疏 而家又唔知男仔係咪真係中意佢又唔知男仔知唔知女仔中意男仔 所以希望趁呢段時間搞清楚男女仔未算係無所不談個種 女仔又唔敢親自/搵朋友去問所以自己個心都有D唔知點好...雖然知道自己年紀仲細 但都唔想放棄心愛嘅人
[1]就咁睇以上嘅資料 大家覺得男仔對女仔嘅睇法係點?[2]男仔中唔中意女仔? 機會有幾大?[3]有咩辦法可以知道男仔嘅心意 又唔會搞到咁尷尬?[4]女仔點樣暗示比男仔知自己中意男仔?[5]你地/身邊嘅男仔中意 乖/曳/乖中帶D調皮嘅女仔 邊種多D呢?