✔ 最佳答案
如果你係想買有限公司, 坊間有d做成立公司的公司, 你用google或yahoo找成立公司或者註冊(有限)公司就會找到一大堆. 這些公司會有一大堆現成公司名供客戶選擇, 揀好後去公司比錢, 公司比個"綠盒"你, 盒入面有公司章程、公司法定登記冊、股票簿、圓印.鋼印、簽名印. 有d公司會比埋公司註冊證書(CI)或/及商業登記證書. 如果公司只係比CI你但無商業登記證書, 你要自己去商業登記處做埋商業登記, 費用$450. 而家去公司註冊處申請成立本地公司,即會被視作已同時提出商業登記的申請, 並需同時交IRBR1.
如果你係純粹想買綠盒(COMPANY KIT), 你去GOOGLE找綠盒會有一堆選擇, 一個大約$400-$500不等.
如果你怕做錯, 又唔想將來煩有限公司事務, 我建議你搵COM SEC公司幫手. 有D COM SEC公司會以優惠價同註冊公司買COMPANY KIT, 幫你搞埋CI(如需要)、商業登記(如需要)、會議紀錄等. 每年會幫你做Annual return、法定會議紀錄及一些公司註冊處相關文件(例如資料更改、增加share capital等等). 不過, 搵com sec firm做真係貴, 起碼要幾千.