想買車,除左燕梳,牌費,轉名,仲有D乜?

要睇下駛唔駛驗車，車齡7年或以上續牌前要驗車，政府收$580，車房代驗自然會加返多少手續費。

燕梳要睇個人資料，車主年齡輕同駕駛經驗淺的話會貴D，閣下問得呢D問題都應該係新牌人士，無折扣的話第三保可能要超過$5000。
2000cc車牌費$5890一年。四個月牌費好似係$2106，運輸署網頁有資料。當然，車輛過戶時仲未夠期續牌的話係唔駛即時交錢的。
轉名要$1000。
依家去運輸署辦手續，記住帶備3個月內的住址證明。

2011-05-05 00:44:08 補充：
一定要俾嘅係：
1．轉名＄1000
2. 第三者保險 ＄因人而異。領取駕駛執照2年以上，保費或會稍便宜。先向保險代理報價，保險公司受保的話會發出臨時保單（COVER NOTE），可以用來轉名。

做完以上兩項，車已轉名到你名下，可唔可以渣出街就要睇睇以下兩項有冇做好：

2011-05-05 00:44:17 補充：
有可能要俾＄嘅項目
1. 牌照費用。12個月＄5980，4個月＄21XX唔係好記得，可查運輸署網頁。車輛牌照費係跟架車的。唔理車主係邊個，總之到期先要續牌。當然可以提早交費續牌。
2. 運輸署驗車。由於車齡已超過7年，每年再續牌之前係要先驗車。政府收＄580，你交俾車房代驗的話當然會另收人工等等。有時上手車主驗左車，續咗4個月或者8個月牌，咁你都可以唔駛驗車，再續8個月／4個月牌。假如牌費已過期，就一定要驗車及格後先可以續牌。

以上都係法例要求嘅手續。假如你想買車前上架驗下有冇古惑，四圍都有車房做，但係上手車主肯唔肯就要你自已問下。

2011-05-05 00:49:08 補充：
小弟唔係行家，唔方便公開相熟服務公司資料，師兄如真有需要，可PM我。

你所說驗車是牌費到期驗車，還是買車時驗車呢，保險約3,000.00左右,要有資料才可以確實保費，保險要出咗及帶地址證明才可以轉名，如果買車驗車可以找香港驗車2588 1822 www.hkmi.com.hk，當然是即日可以揸走架車，如有需要保險可以幫你報價，希望幫到你

即係4樣錢? 1.驗車, 2.轉名, 3.燕梳, 4.轉名

有無驗車介紹?會5會俾人騙? 係咪最平都800蚊出面? 最基本既驗車?

以上既野我做齊係咪可以即日攪電渣走架車?

我考左2年牌(但好少渣)係咪第三者保費會平D? 架車2000CC!