小小白配咩機好呢?

小小白係全片幅鏡頭,基本上配乜機都得.依你預算,最高級可以買到EOS-60D.但係我其實唔太建議買冇防震既小小白.好多人都因為價錢問題揀咗小小白,覺得只要畫質好,其他方面都可以就,冇錯佢同貴幾千蚊既小小白IS只係差咗個防震.但係長鏡個防震對手持係好有幫助的,我已經唔會再買冇防震既長鏡.用得小小白都係貪輕便,斷估都唔會下下用腳架.
但係如果買小小白IS,機身就只可以買次一級既EOS 600D.觀景窗會暗啲之外,追焦及連拍都會差咗,拍動態題材就會弱咗,要作取捨.
另外你只打算買一支鏡頭嗎?無論小小白或者小小白IS都係中距離變焦鏡,只係影遠嘢用,冇廣角部份.平時影風景,生活照等唔係好啱用的.如果又要買埋廣角變焦鏡,咁就真係冇可能買到小小白IS.只可以買600D,小小白再加一支廣角變焦鏡.

2011-05-01 08:07:18 補充：
小白有F2.8光圈固然好,但都係嗰句,要買就買小白IS.同埋你要考慮埋個重量.佢係重小小白好多的.有啲人一重小小就話提唔起興趣攞去影相.你要肯定自己唔係呢種人先好.
值唔值得俾額外錢去買防震呢個係沒完沒了的爭論,冇錯出猛太陽,全開光圈,就算用iso 100,都過1/1000秒,跟本唔會手震,但如果天陰呢?又或者你影既地方啱啱冇太陽曬到呢?又或者你唔想全開光圈要多小小景深呢?呢啲情況其實係好多的.咁就變咗要推高iso.買得L鏡都係想靚.下下推高iso咁有乜意思.

2011-05-01 08:07:37 補充：
你可以去睇下以下文章關於有同冇is既比較
http://www.bobatkins.com/photography/tutorials/is2.html

2011-05-01 08:07:42 補充：
550D如果唔係要鬥快影郁既嘢,係絶對冇問題的.17-40L同小小白冇錯係畫質好好既組合.但係畫質並唔係一切,因為任何器材都好,唔適當既使用就會令照片失敗.兩支鏡都冇防震,你係咪真係一唔夠光就用腳架呢?唔好呃自己,呢個係好實在要面對既問題,據我觀察,十個話用腳架就唔駛要防震既人其實有九個影相都係好求其的.除非特登去影夜景.否則十之八九又係唔帶腳架,又係乜都手持影.(尤其係話小白都嫌重,要買小小白嗰啲),就算有帶腳架,有時費時裝裝拆拆終於又係手持.你不妨觀察下先作決定.

※➔☎★◆ღ●'❇₪₪☀
敬告需要貸款服務的朋友，要辦貸款前請先注意.存摺.提款卡.密碼.正本
請勿交予他人，否則你會是下一個受害者，在此特別聲明.^^
※☆★◎➡☀✦❦