影相既相片風格有咩用?

相片風格正如你所講就係銳利度,對比度,飽和度同埋色調的設定.
銳利度: 越高畫面看上去越清楚,越sharp,但其實只係用軟件增加邊緣光暗對比,用得太勁會起光邊,而且雜訊亦會同時被銳化,會好唔自然.要適可而止.
對比度: 就係最光同最暗既數值,加高的話光位會變得更光,暗位會變得更暗,看上去畫面很鮮明,很搶眼,但太勁就會變咗唔係好光既位都好光,唔係好暗既位都好暗.反而冇晒層次.
飽和度: 就係顏色既深淺,越高越深色,看上去很鮮艷,但太勁就會得翻深色,冇咗淺色既層次感.
色調: 就係相片偏洋紅或者青藍色.其實仲可以細分色調既飽和度同埋亮度,不過通常要用電腦先有得咁細分去搞,相機只有高低之分.有時用K數輸入白平衡會一係偏橙,一係偏藍,點都差小小較唔到準確顏色,這時就可以用色調去微調,但用相機好難搞,建議都係影raw用電腦搞會好啲.
至於點解要有相片風格,就係因為唔同題材會有唔同設定既需要.例如影風景銳利度可以高一點,但影人銳利度太高有可能令皮膚缺憾變得明顯,於是在相機內先記低幾個設定,就唔駛到時設定咁麻煩.但其實認真既攝影人都唔多用呢啲罐頭設定的,一來唔夠仔細,二來唔想花咁多時間去想用甚麼風格,影raw之後用電腦慢慢調仲好.有關不同銳利度設定的相片
http://www.cambridgeincolour.com/tutorials/image-sharpening.htm
有關不同對比度設定的相片
http://en.wikipedia.org/wiki/File:Contrast_change_photoshop.jpg
有關不同飽和度設定的相片
http://www.dcfever.com/learn/viewglossary.php?glossary_id=14
有關不同色調設定的相片
http://www.georeference.org/doc/image_hue_saturation.htm

影相既相片風格有咩用?
銳利度,對比度,飽和度,色調有咩用?

你自己都有部 canon 機，點解自己唔試吓影 d 相比較吓 d settings 咪知囉！