✔ 最佳答案
我覺得你都係緊張啫
返工有壓力 身體自然地逼你早起身
放假乜壓力都冇 就可以瞓到好晏補償返
其實早起唔係唔好丫
起碼你唔會遲到先
與其等鬧鐘響不如真係起身
做吓運動 拉吓筋 沖個涼 歎個靚早餐...乜都好 總之係放鬆嘅
平時嚴禁含咖啡因之物
日抖多做運動 夜晚就會想瞓
早啲上床瞓覺 唔好兩點先瞓喇
臨睡前,
唔好食太飽 即盡早晚餐 (要內臟早啲休息)
唔好太夜沖涼/做運動 (減低血液循環 -> 要內臟早啲休息)
保持身體涼快 (減低血液循環 -> 要內臟早啲休息)
唔好對咁多電腦電視 (令雙眼感受到黑暗, 令身體知道已到夜晚, 係時候瞓)
好令你想早瞓時 身體跟得到
早咗瞓 咁同樣六點起身都可以有足夠嘅睡眠啦
2011-05-07 19:05:58 補充:
見到你以前有問過有關睡眠窒息症嘅問題
睡眠窒息症絕對會影響睡眠質數
不過應該係即使你放假瞓咗好多個鐘之後都依然覺得唔夠瞓咁就會似係睡眠窒息症喇
如果放假放鬆地瞓耐啲就會精神啲嘅
咁大概係因為平時太緊張 太大壓力而影響睡眠質數
睡眠問題似乎持續
但千萬不要食安眠藥!
因為安眠藥雖可令人熟睡但對睡眠質數方面冇提高 甚至更差