開恆生戶口

Q1)我應該開什麼戶口?恆生合適嗎?
用黎出糧唔係投資的話，邊間都冇乜大分別。
恆生、HSBC、中銀呢類分行比較多的就會方便少少。
可以睇返公司用邊間銀行，如果用同公司同一間銀行的話，咁出糧對大家都方便ｄ。

Q2)我人工不多,係唔係每個月都會被扣錢?我離職後會否一直被扣錢?
如果只係一般儲蓄戶口，應該係每月平均有HK$5,000就唔會扣你錢
(平均=一個月內每一天的結餘加起晒之後除返當月日數)

Q3)由於我現在沒有戶口,所以今個月的人工會以支票形式出,
上述提議開的戶口適用嗎?
只要你銀行戶口的名稱和支票上寫的收款人姓名一樣，唔理邊間銀行都可以bank in
不過唔同銀行 bank in 支票，今日入票就要明天下午先拎到錢
同一間銀行的話，你入票時可以叫佢當轉帳咁做就可以即時拎到錢
又或者睇下公司肯唔肯開張非劃線的支票比你，咁你就可以直接去返你開票銀行直接拎 cash

Q4)開戶口需要帶什麼?
聽說要有地址証明,但我係同家人一起住,唔會有信寄俾我....
需要有住址証明，叫公司在今個月糧單加埋你個地址上去做証明
(或者可以試下拎個公司信封，寫返自己名同地址之後寄返屋企)

Q5)上述提議開的戶口有信用卡給我作提款之用嗎?需唔需要手續費?
信用卡同提款卡係唔同的
信用卡多數都需要年費，同埋用信用卡提款會變左現金透支 (即係借錢!) 有利息的
提款卡一般一年會收取HK$50服務費，提款、ESP比錢時唔會有其他費用

2011-04-28 14:39:11 補充：
如果你怕戶口一個月 keep 唔到 HK$5,000
開以試下問屋企人借黎開戶用，到你有錢 keep 到先還
*咁當然呢 5 千蚊係唔可以拎去洗啦 =)

1. 當然係儲蓄户口啦,邊間銀行都無所謂,大銀行嘅分行多D,方便D,又靠得住D.最緊要就係方便你自己.唔知你住邊區,有勿嘢銀行嘅分行在附近.中銀,豐,渣打,恆生都得,你自己決定.
2. 你可以開一個 ATM 儲蓄户口,沒有最低存款的限額,所以係唔會扣錢.但條件就係祇可以用ATM 櫃員機交收,無論攞錢或存錢,都係要用櫃員機.如果你要求柜枱服務,就要按次收費,每次比$20.
3. 入支票當然OK啦,祇要登記户口的名字和支要抬頭人的名字是一樣的話,不過要等支票過咗數才可以用錢.
4. 開户口是要住址証明,銀行唔會理你同邊個住,你可以去銀行查詢應該點做.
5.銀行會發一張提款卡給你,並不是信用卡,提款卡是唔需要手續費的.
以上2-5是我在2月開户口時銀行提供的資料,唔知而家重啱唔啱,你可以去銀行查詢,佢地嘅資料應該是最準最新的.