常去英國的朋友請幫忙。。。

halo, 我係英國讀緊書, 希望幫到你丫=]

1) 其實唔駛驚既, 只要你唔係太細個自己一個人去英國, 唔會有問題既. 如果你既passport 係hksar/bno 既話, 你需要填landing card, 而landing card 係機上面, 會有得要, 個空中小姐會派, 如果你攞唔到既話, 亦可以land 左之後, 係immigration 度有得攞. 如果係機上面已經攞左既話, 就可以填左佢先, 會要你既passport no. 你會住係英國既邊度, 你只要填個hotel address 就可以了, 如果係住朋友度, 就寫朋友個地址.

2) 落左機, 佢會有好多個sign 寫係arrival 同baggage 等字眼, 你只要跟係呢一d sign 就會去入境大堂, ((通常跟住人就一定冇錯, 因為只係得好少人話要轉機)), 去到immigration 度, 有2條隊, 一個係eu passport, 一個係other passport, 如果你係bno/hksar--> other passport, british citizen --> eu passport. 之後排到你果時, 要show passport 同你填左果張form.

3) 佢會問你少少問題, 佢會有simple english, 唔會好難, 好似問你: why are coming? where are you staying? how long are you gonna come? 等等. 如果聽唔到, 禮貌d叫佢repeat一次就可以了.

4) 過左immigration, 先可以去攞行李, 佢得一條路, 所以一定唔會行錯的:) 之後就可以行紅色/綠色通道, 紅就係有野要報, 如酒果d, 冇就綠色得架啦. 出到去, 你應該知你要去邊既((如有friend 黎接, 佢就係果度等你,, 如果你要搭tube,會有sign 帶你去tube station 等))

希望幫到你丫, 有d咩可以再email我的=]

2011-04-30 19:05:07 補充：
咁樓下我又唔認同你呢, 我上個星期先係hk番左英國:S 同我同機既, 亦有一d 旅客, 雖然佢地係唔係好細個, 但係佢地都係要show address 同回程機票就可以, 又唔見佢地話要俾錢佢地睇, 只係我等左佢地好耐, 可能問野問得多, 但冇俾人捉走到-_-"

2011-04-30 19:08:01 補充：
如果係summer camp 既話, 應該會比去旅行好既, 因為我相信, 你apply summer camp 時, 果間學校, 係有出信俾你既, 而你要準備定果一封信, 咁佢地問你黎做咩, 你只要show到封信俾佢地睇, 同埋如果你真係怕既, 可以叫你而家學校校長幫你寫封校長信, 咁會好一d既. 而錢果邊. 因為你係去camp, 而唔係話真係既"旅行", 所以, 下面既2000磅, 應該係唔駛咁多既, 因為camp 都包哂你食同住(如果你報既係果d一條龍既camp)

2011-04-30 19:10:52 補充：
咁所以呢, 2000磅差唔多成2萬5千hkd 架啦- -" 帶咁多係身, 反而會危險既. 如果佢知道係camp, 你有信果d, 就會ok, 而呢, 睇下你係去幾多日, 如果唔係去成個月果d camp既話, 500 - 1000 磅已經夠既. 有冇朋友同你一齊去呢個camp? 因為通常呢一d camp, 係through agent/學校apply, 應該會有人同你一齊過去, 應該唔係自己一個既, 你可以試下contact 一下同你同camp 既人, 咁一齊過關, 會好一d 既.

2011-05-01 07:32:14 補充：
我冇聽過呢一間呢, 但係你應該可以request叫佢出封信俾你, 証明你係去遊學, 同時亦應叫當然既學校(接待你果一間)亦出一封信俾你既. 咁入境就應該唔會有問題了:)同時, 佢亦應該知道果個camp 既學生幾時到英國(因為要搵人去接機架嘛), 所以就可以先聯絡定會去個camp 既學生, 一齊入境了:)

唔好意思，樓上果位朋友可能出入境機會比較少啦！需然知識網既原意都係想幫助網友解決問題，但知識同社會現實必須要與時共進！！！
我向歐洲住了半生，以前人境歐盟國家無咁多麻煩同問題，但隨著歐洲太多過期黑市居民問題，令歐洲所有移民局都向入境既時候(尤以英國為甚，因為佢地向07年曾經公開話計劃會好似其它歐盟國家咁，會有身份證之外，打擊黑市居留，[其實同香港一樣]結果最後而家呢個靚佬首相金馬倫話英國財政赤字問題嚴重，要收緊赤字，所以而家一直都未搞)。即時會見到歐盟或瑞士中立合歐國既護照，或非歐盟國既入境排隊龍不一樣來介定入境尺度！
而家英國同所有歐盟國家一樣，如果你英文唔好，就更加會向入境時即時要你show off(揚")比佢地睇有幾多錢，我上個月至又飛去英國，Heathrow希斯箂機場情況更甚，我親眼見佢地問個遊客比佢睇有幾多錢，個女人其實都唔係好過份無現錢，大約二千碗，不過佢無信用咭就真，個死白種佬就話，你未過英國，你知唔知英國消費係點呀？！點解你一個人旅遊又無信用咭，只得二千磅現金就夠？？！結果懷疑佢入境既目的，即時用對講機叫人帶左去conference room(會客室)，結果唔知點啦？！[通常都係凶多吉少，原機去，原機返]
Sorry，好似好衰咁嚇你，但呢個係絕無花假的親眼事實！！都不是第一次見！！！
類似既情況而家好多國家都係咁，所以你如果真係想sure win，一定入定到境既話，你英文唔點，就更加一定要多D錢去，證明你係去旅遊消費果隻而唔係想過期居留做黑工果隻，避免不必要既麻煩同驚餐死！
因為D移民局既人見到錢，你就可以大聲過佢！
I just coming for shopping & little bit tourism！我來這裏消費購物同小少觀光！OK?!

2011-05-01 09:24:11 補充：
哦！原來你係小朋友！！成熟人睇既野一定係會比唔同你地既情況！！唔信可以問你D長輩點睇？！
2000磅根本就唔係好多，英國人一個月既平均工資水平，全職工人平均起碼都會有2500磅左右或以上。咁你話啦？？！
不過就咁講以你地D年紀咁細的而且確係好多，我係大人，我本身而家重有D生意向英國，所以有時一個月來回英國同瑞士飛最高紀錄4次，飛得太多，亦實情見太多呢D社會現象啦！妹妹！！

2011-05-01 09:50:23 補充：
重有樓上果位朋友仔你都係香港同英國讀書，一年出入境程度肯定唔會夠我多咯~~！！言歸正題，假如你咁細去呢D遊學團，正路佢地應該係會人接你機咖！點解你唔要求呢D學團或學校既人去接機呢？！起碼你唔洗咁擔心？！學校信固然一定要有，但你最好就係嘗試要求校方人接機最好咯，如果你個camp係有其它人一齊 join既，如果可以既話同多幾個同呢個camp既人嘗試同一日出發，人多D，有咩事，大家有照應，同應該更加大機會可以要求校方或agent人接機咯！！咁咪重實際！！

2011-05-01 10:21:28 補充：
我都想問你啦，你 join呢D夏令學習心營，其實除左想開眼界之外，嘗試一D少少自立生活，你都係想學英文既啦！你問好唔好既定義係點呢？？！
老實話你聽，語言係要一定用時間學習出，無可能一步升天！咩語言都係！！好似以前我初學德文咁，都係從佢地既基本起！用心去學唔怕比人笑發音唔準，先會ok!!
你講果間CES應該係D中介agent公司，而唔係正式學校或學院，所以好難知道佢點？！如果係正式學校就一定會查到D背景！！！
不過你去呢D團既時候，自已行李點都一定要帶些少急救用品，例如腸胃藥呀，感冒丸。以防自已水土不服而生小病！