5月1日實施最低工資，對香港市民是美夢抑或係惡夢的開始呢?

價值觀問題,假如你要做老闆,打算開一間茶餐廰,
你一定希望賺到最盡(唔好同我講道德良心),
首先,你最期望係O向鬧市開檔,
當你搵到合心意位置,你就同業主商討租金,
業主開價:30萬租一個月,租唔租?
哇,,,咁貴租,,,,要諗諗先,,,,
你諗左幾日,都想搏一搏,於是再搵業主,
業主同你講:40萬租一個月,租唔租?
哇...諗左幾日就加左10萬租??????
業主話升左值,,,你吹佢唔脹,,,,
問你,,,,仲諗唔諗?????
你聰明左,知道冇得諗,一係租,一係唔租,
你只知道你想做老闆,你決定租,好啦,
你點樣搵錢交租,
你會諗縮數,縮減材料成本或者人工成本,
縮減材料成本會影響食品質素,D野唔好食,客人就會少,
於是呢,你會出盡力去削減人工開支,
請洗碗阿姐,10蚊粒鐘,
洗碗阿姐,,,哇,,,咁少????諗諗先,,,,
阿姐轉頭返黎,諗住做,
你同佢講:已經請左,9蚊粒鐘,妳唔做,有人黎做,
阿姐又聰明左,知道冇得諗,一係做,一係唔做,,,,,你可以想像,如果經濟如此運作下去,
最難生存既,就係洗碗阿姐呢一群,
40萬舖租,有人租,50萬,有人租,60萬,有人租,,,,
10蚊洗碗,有人洗,8蚊,有人洗,5蚊,有人洗,,,,,
你覺得冇問題,因為你本身存在O係一個有問題既社會體制入面,冇晒知覺,有一日,政府立例,洗碗阿姐,28蚊一粒鐘,自然震驚國際,,,,最低工資,香港市民唔會危在旦夕,
只係市場生態改變,中小企會經營得更加困難,最終又係益左大財團,
大財團瓜分整個市場,就可以更有效操縱市場價格,
洗碗阿姐28蚊粒鐘,冇問題,咪賣20蚊杯凍奶茶囉,,,,好啦,你係小小一個茶餐廰老闆,
租金只會升冇得減,人工又要加到28蚊粒鐘,你好痛苦,
最後,你諗到冇得諗,唯有縮減食品材料,
你會買大陸假貨,用工業鹽當食鹽,用豬肉當牛肉,,,,,
你會無所不用其極去減低成本,保障你既合理利潤,
20蚊杯凍奶茶,係一杯屎水,,,,,
如今,你唔會太擔心呢杯屎水,因為你知道其他D茶餐廰都係俾屎水D客人飲,
客人冇得選擇,20蚊,飲既,唔係以前既凍奶茶,而係屎水,,,,最低工資,本身唔係一個道理,唔係對錯問題,
千其唔好講道理,就等如你唔好同高地價政策講道理一樣,
而係社會問題所衍生既革命,
革命係唔會同你講道理,只會同你講野蠻,
你可能會疑惑,28蚊粒鐘,可能O個D搵緊5蚊粒鐘既洗碗阿姐冇得撈,
冇得撈咪冇得撈囉,唔掂,食政府囉,
記住,呢個係一個革命,冇道理講,最低工資,唔係用黎解決貧富懸殊,
要解決貧富懸殊,就要摧毀整個資本主義制度,
咁大工程,唔會係我地既政府可以辦得到,
最低工資,冇野解決得到,冇治標亦唔治本,
但係,除非你唔做野,你一做野,最低工資就係28蚊粒鐘,
意義就係:以後唔會見到5蚊粒鐘既洗碗阿姐,我本人係抱持中立,唔支持最低工資,亦唔反對,
因為工資本身係冇道理講既,
工人想搵最多,老闆想俾最少,靠自由市場又唔能夠平衡利益,
野蠻,係無可避免要發生,,,,,因為自由市場本身就係野蠻,
地產霸權,亦是一種野蠻,
冇理由唔俾工人野蠻,,,,,

最低工資?????一早諗到話攪最低工資,就諗哂氣,班老細ｄ奸商實有計！勞苦大衆邊夠人度！唔信？攪多幾條！人家都有辦法！(同人鬥,要有討價還價嘅能力)......不過就算計左,到時又出弟２籠。

同意Wai Man 網友的看法。

無良香港人僱主 : 最低工資是惡夢 !

唔該wai man!!!現巳更正

老友, 你的問卷的網址有錯, 請更正.

2011-04-29 16:48:08 補充：
1樓的觀點幾特別, 既不支持, 也不反對.

其實, 每條法例都總會有漏洞的, 如果怕漏洞怕麻煩就唔好搞的話, 法庭可以收工囉.

另外, 人要一種「要人管」的動物, 放任自由的話只會出現剝削和欺壓的情況, 因為作為人個商人就當然會追蹤利益的了, 依靠商人自律只是一個笑話.