周生生同周生生粵港澳有咩分別

拿！呢個我知，以前報紙都訪問過，我都知小小！

就咁以前周生生係1938年果時開，慢慢就越做越大，係粵（廣州）、港（香港）、澳（澳門）、湛（湛江）都有分鋪！

到個創辦人死果時，就張粵（廣州）、澳（澳門）、湛（湛江）比哂個大婆！

香港分鋪就比哂個阿二，咁正常呀，正室分大份，阿二分細份，就大家河水不犯井水;
但可惜1949年大陸淪陷，共產黨殺到，下場就梗係D地主獻乜獻物啦！

我聽我太公講，果時我屋企係廣州有八間金鋪，就每間要無償自願比十擔金，比完就先再宣布私人產業收歸國有，鬥地主就後話了！

同樣情況，咁正室果家人就走難到香港，除澳之外，係呢個時候，粵湛D分鋪就徹底收檔了，所以就同個阿二傾傾，比正室果家人係香港開D分鋪，頂一頂維生先，最後講掂數，以後開鋪就要寫明粵港澳湛周生生，以茲分別！

個王老吉都係咁架，大果個就分左省城即係當時廣州市，細果個就分左當時又窮又鬼佬地方既香港，點知最後好地地廣州會比人抄家者！

唔同老闆囉~~~...