✔ 最佳答案
只要可以作長時間曝光.理論上就可以影到車軌.15秒已經可以應付到大部份情況.即使係DC仔都冇問題.
但係DC仔好多時既15秒曝光係有條件的,例如要用特定場景模式先可以,快門速度依然係由相機決定,只不過相機最長會用到15秒咁解.你要睇睇說明書究竟係點樣控制快門速度.如果未買機的話,最好係買有快門先決或者全手動曝光的型號,咁就萬無一失.
用DC既另一個問題就係光圈唔夠細.一般DC最細光圈通常只有F8.在比較光亮度既環境,雖然係夜晚,即使用到最低iso都未必做到15秒曝光咁長.而且DC容易有繞射問題,縮到F8光圈影會搞到將相唔sharp.用F4至F5.6左右會比較好.如果真係快門唔夠長,就只好買塊減光鏡放在鏡頭前面減低入光量.固定到塊減光鏡固然最好,否則手持也可.
技巧就係同影夜景一樣,要用腳架,要用低iso,要用二秒延遲快門,等啲車郁緊既時候影就得.
2011-04-30 11:22:44 補充:
爆光係因為光圈,快門組合入光量過大.其實唔係所有環境都一定可以用15秒曝光咁耐的.太光就要用翻短啲快門時間.唔夠效果就只好適量縮細光圈,再唔得就要加減光鏡喇,我既回答度都有講的.
至於偏黃就係白平衡問題,一般相機在黃燈下既自動白平衡都係偏黃的,你可以用預設既鎢絲燈白平衡試下.就會冇咁黃.