律師行partner

律師行係以 "partnership" 形式成立及運作, 即係 "合顆人形式", 而非用有限公司形式. 所以你見都律師行係以 "人"為名, 例如 "張葉司徒陳律師行"、"胡關李羅律師行". 簡單嚟講, 所有合顆人 (partner)都係老闆. 律師行嘅利潤, 在扣除營運開支 (燈油火爉人工)後, 會由各合顆人按比例瓜分. 但如果律師行要蝕錢, 咁合顆人都要按比例集資. 合顆人形式和有限公司形式的最大分別, 係有起事上嚟 (例如俾人告, 嚴重虧損等), 各合顆人要全數上哂身. 唔似得有限公司咁, 股東責任只限於股本. 所以律師行一定買好大額專業責任保險 (professional liability insurance).
律師初入行, 會係受薪嘅, 即係由各合顆人合資出糧俾佢. 當佢有番咁上吓年資、客路, 就會被升做初級合顆人 (junior partner), 可分律師行嘅利潤 (小份). 到工作咗好耐、好資深, 而又有資深合顆人 (senior partner)退休, 就會被邀承繼咗作佢嘅partnership, 做資深合顆人, 分大份利潤. 而退咗休嘅資深合顆人, 就會成為顧問 (consultant), 介紹生意俾律師行而收佣.
當然, 亦有d律師做得幾年, 自已出嚟單拖或同幾個行家成立律師行, 自己做老闆.