九窠溝可以自由行嗎 ??

九寨溝可以在成都跟當地團,七八年前曾在成都跟四天汽車團九寨溝,黃龍(有購物)但完全自由可以一個仙不買。
另有三天九寨溝,黃龍飛機團
建議在成都跟當地團,去不同旅行社格價,價低者參予。可以講吓價,當年都是轉售予大旅行社賺差價,包交通,住宿(2星級),食。
在景點九寨溝一天,黃龍半天,是自由行自由活動。
參予旅行社是按規定規範有執照,一切按當地團合約。真的好平,如果頂得長途車辛苦。如怕黃龍高山反應,在成都大大大药店買红景天膠囊(30元左右),和如怕暈車,備暈車药成都大大药店
跟團食物或小小辣,可備罐頭,但自己認為跟團食物冇辣。

絕對可以自由行。

只要大概識睇中文簡體字, 及略懂國語(大致聽得明, 同講到下), 基本上都冇乜問題, 我之前同朋友去都係咁, 只係買機票, 去到0個度先搵住宿, if你唔怕人地煩, 你一到機場/車站, 大把人擁住你坐的士或者介紹住宿比你。睇你自己budget係幾多啦, 始終中國地方, 都唔奢求住得好正, 乾淨企理就算, 你六月份唔係旺季, 如冇特別要求, 大約一百上落都會租到間房(要講價先呢個價錢)。

如你只係去九寨溝, 留2日都夠, 如果冇改, 張門票係兩日都入得去, 入面有環保車載你上去/落黎, 不另收費, 車上有人講解, 你可中途有站的地方落車影相。

溝上有小食部, 我冇幫襯, 唔知價錢同質素如何, 自己帶穩陣D。

印象中, 坐車入到溝入唔係太遠有個地方好多野賣, 係當地居民的住所, 0個度可以買紀念品同食野, 對面有個佛堂定廟。

溝內路線很簡單的, 張門票上有個地圖, 顯示左各個景點位置同路線。

溝以外地方, 到處都有小小的店舖用膳, 但淡季有好多店都唔開的, 或者收得比較早, 這點要注意。

有好多人去九寨溝自遊行， 請看全世界最多華人上嘅旅遊網站有關九寨溝嘅資料：
http://www.backpackers.com.tw/forum/forumdisplay.php?f=239