我該繼續定放棄？

我係男仔，讀緊F6。個女仔同我同班，算係比較熟既fd。咁我大約3月開始中意佢。咁個陣我追佢追得好明顯，對佢勁好，又日日call佢。咁佢feel到，佢個fd就話佢當我只係好朋友，佢對我冇感覺，佢對我既feel唔係我對佢既feel。果晚，佢就話佢知道佢個fd同我講咩，而都係真既。同埋佢又話佢而家唔想拍拖，唔想同任何人有任何發展，同埋我追得佢好明顯，佢好唔自在，佢希望同我繼續做好朋友，叫我唔好避佢同嬲佢。第二日，佢就當冇事發生咁，不過當我對佢太好，佢會好尷尬同唔自在，仲好嬲咁話佢對我冇feel只係想做我朋友。不過我同佢講我而家對佢好因為我當佢係好朋友，雖然我仲係中意佢，咁佢就話冇野。咁我中意佢尼件事係全班都知，佢地明知我已經俾佢拒絕左，佢地都繼續咁當住我地2個而攞尼件事開玩笑。我唔知係唔係因為咁，佢好似避我咁，唔主動揾我傾計，不過我揾佢，佢都會應。不過有時上堂我坐係佢旁邊，如果我唔揾佢，佢會覺得我黑佢面，嬲左佢。佢就唔理我，我問佢咩事，佢就問我做咩黑佢面。

其實我唔知佢係唔係對我一d感覺都冇？佢好似當我係佢close friend，佢不過冇主動揾過我傾計，sms，電話，msn都係我主動揾佢，不過佢d回應唔算係應付緊我。佢曾經話我係佢講得最多佢自己野既男仔。我個人認為佢係個單純既女仔，不過佢識得應付人同講客套話，佢話自己未拍過拖，不過我唔係第一個人過佢。我唔知佢話當我好朋友，只係想再見亦是朋友既意思，定實你當我好朋友？同埋我打算al完左之後再追佢多次。不過我俾佢拒絕左一次，仲要係好坦白咁講。我係唔係應該死心？定再追佢多次？如果再追，我面定可以做d咩？

我知道係長左少少......不過我真係好煩惱。想夜又放唔低，想繼續又好似冇咩冇望咁......希望黎位體諒下我既心情，幫我解決我心中既疑問。謝！