EF 50mm/f1.4 vs EF 85mm/f1.8

如果單單計對焦速度,咁85mm F1.8係快過50mm F1.4的. 85mm既超聲波摩打係真正環型超聲波摩打, 50mm F1.4雖然都係超聲波摩打,都有全時手動對焦,但就只係微型摩打,對焦速度基本上同50mm F1.8冇大分別的.
至於光學質素方面,用在60D的話,都冇乜好挑剔.但鏡頭選擇唔係淨係考慮光學質素.焦距唔同咗工作距離都會有分別.85mm的話室內有機會唔夠位退,變咗下下影大頭.這是要考慮的地方.
如果想要50mm對焦又快的,可以考慮Sigma 50mm F1.4.不過就要好小心移焦問題,Sigma鏡呢方面係比較差的,尤其去到咁大光圈.
至於你話色唔靚咁應該唔太關鏡頭事,雖然唔同鏡頭發色係有分別,但白平衡,對比,飽和度等設定影響更大.你可以試下影raw之後搵電腦搞搞,會有好大分別的.以下網頁有鏡頭既測試
http://www.photozone.de/Reviews/overview