會計係點？10分！

會計涉及範圍好廣, 例如財務會計、管理會計、核數及稅務等等. 例如去一間私人公司會計部會負責收款、付款、編製收據、入數、埋數、計糧、出糧及製作財務報表等等. 唔同情況下計糧亦會唔同, 例如兼職員工係時薪乘工作時數, 未過試用期又可以唔計假期人工. 埋數就係解釋點解公司紀錄會同其他紀錄有差異. 例如做Bank reconciliation就係解釋公司個bank balance點解同銀行月結單唔同. 財務報表就係計公司賺幾多錢(收入-支出)以及公司有幾多資產、資本及負債. 做財務報表

會計有d範疇亦唔會只係計數. 例如做核數拆schedule(即係講解每個profit & loss及balance sheet item數係點計)要睇單、做分析甚至要落客辦工地點工作等等. 例如你做購貨的schedule就要分析兩年之間每月購貨, 以及抽一些購貨單睇下公司入無入錯/入漏數/入錯accounting period. 做稅務亦唔會只係計交幾多稅, 你係要知道有乜觀點可以支持你某個item可以唔駛計香港稅. 計稅讀書時會學到.讀書只係文字上, 核數好講求你實戰經驗. 新上手會有senior跟住叫你睇返上年file點做, 最緊要係做既途中真係學到野.

會計計數最多都係加減乘除, 唔需要好似理科數咁深.

做會計呢行最好係要識英文. 有部分中小型私人公司會計文件及系統係用英文. 核數既working paper要用英文寫. 計稅比稅局睇, 同稅局書信往來都係用英文. 會計進則同核數準則都係用英文寫.

網頁其實唔係最好學會計方法, 因為上網好少機會做練習, 而且未必如書本般講得詳細, 所以我建議你去圖書館借下書睇.

會計通常都係．．
例如一間公司既會計部，通常都係計人工出糧比ｄ僱主同僱員