Wargame問題(20點)

在這個WARGAME 區, 有太多太多人問乜乜要幾錢, 物物要幾錢, 在那裏買好, 但又有好多特別要求, 如果問得簡單, 應該有人得閒會答o下. 其實價錢, 行一轉廣華街, 乜價都問倒, 只是問得太多會俾槍舖老細白眼遮, 唔怕面懵其實唔會唔知. 至於質素, 以電槍來講, 日本的marui 是不錯的選擇, 價錢合理. 如果唔手痕去改, 一般射三萬發唔會有太大問題. 三萬!?!? 好似好多, 其實只是射100隻匣左右 (每隻匣當有300發bb彈), 打一日war game 都可能射十多二十隻匣啦~ 如果唔太粗勞, 即是唔會喪full, 唔打太多單發, 扣雞唔好窒. 打五六萬都可能冇事. 至於台灣電槍, 也不錯, 但零件可能較少, 如損壞可能較難維修. 而很多人不喜歡國九, 亦即大陸槍. 但我用過幾支大陸槍, 質素並唔係想像中咁差, 當然 QC係一個大問題, 有時有批冇問題, 但可能有批全部有問題都唔出奇, 但大部份可以小修小補後回復正常, 當然要自己懂得維修啦~ 大陸槍的好處是平, 第二是款多. 但.... 質素確實參差. 再講o下gas 槍, 日本的marui 同ksc 都是不錯的選擇, 如果聽話真係用134a 同耐唔耐噴矽油的話, 一般一兩萬發沒有問題. 但如果用猛將的話, 會隨時爆滑架, 咁又要幾百或千多圓買個鋁或啞鉛滑架, 更換後用猛將沒有太大問題. 台灣的WE 在GAS 手槍亦算耐用. 我早期買了枝WE 全金屬(應是啞鉛) HI-CAP, 打了太約四萬發左右後, 才壽終正寢, 當然.... 每二千發左右會拆散來抺一抺油啦, 因為好多金屬粉會磨了出來. 而大陸的GAS 槍, 不太建議, 因為GAS 槍始終要精準D, 差少少就差少少, 出唔倒彈或BLOW 唔倒通常好難救. 唔似電槍咁, 公差大少少只是冇咁耐用. 這是我的見解, 覺得有用就聽, 冇用就當廢UP啦~ 成日都有人問, 玩WARGAME 會唔會俾人拉? D 槍咁像真會唔會俾人拉? 打WARGAME 咁耐真係未聽過星期六日警察會拉打WARGAME 的人. 我諗只是拿槍去打WARGAME, 被拉的機會可以話很微. 但你無啦啦返工返學又帶氣槍, 去燒野食又帶氣槍, 同女朋友分手又帶氣槍, 燒燒O下野食又用氣槍射馬騮, 在家中用氣槍射途人, 咁就緊係要拉啦! 玩得槍緊係要像真啦~~~ 正所謂, 玩槍唔像真, 不如射像筋! (唔知聽邊個講的) 係咁多~~~