新手請教 養魚

你D魚成日都死,希望可以揾到原因,以下幾點你睇下自己有冇做錯d乜野。

1.其實任何淡水魚要落小小粗鹽來養先養得好,
粗鹽用來保護d魚既皮膚,如果冇落d魚容易有病,好易死。
每10公升水落一匙粗鹽,食飯盒果隻匙,
計算公升方法,水位計: 長?吋x闊?吋x高?吋÷62=?公升

2.買魚番黎要浸袋,成包魚放入魚缸浸30分鐘,等d魚適應水温,
然後剪袋,袋裏面d水全部唔要,千其唔好倒入缸果度,
撈d魚入缸就可以。

3.你本身個缸有冇鋪沙石底或者泥底,
如果有一定要有(底喉)同埋(潛水泵)先鋪沙石底或者泥底上面,
唔係養幾多魚包你死幾多魚,
因為d污糟野同d細菌積左係沙入面,抽唔番出黎,d魚一定死硬,
就算鋪好薄都唔可以,鋪沙石底或者泥底一定要加(底喉)同埋(潛水泵)先得,
如果唔係千其唔好鋪,如果你現在鋪左又冇加(底喉)同埋(潛水泵),
要撈番d沙石或者泥出黎,加番(底喉)同埋(潛水泵)先再鋪上面。

4.你有氣泵但係有冇加一個(水妖精),養淡水魚(水妖精)非常重要,
佢用黎製造硝化細菌,好平,十幾蚊有一個,如果冇就加番。

5.你換水有冇用養水,即係將d水喉水放出來用個桶等12小時後才用黎換水,
因為d燈魚仔受唔到太重氯氣,所以要用養水等d氯氣走哂就安全使用,
如果屋企冇甘多地方養水,都可以直接用水喉水換水,但不能換太多,
換1/3缸水就夠了。

CO2果d野養贵價水草先會用,如果你唔係養贵水草就唔洗用,
因為大部份水草都需要CO2同埋強光產生光合作用,
d貴價水草好多冇左呢d設備就會死。
但係好多平價水草冇CO2都唔會死,睇下你養邊d水草囉！

生物環其實都係用黎製造硝化細菌,通常放係濾水器入面,
有更係好d,但係一般掛濾冇甘多位置比你放生物環,
唔緊要,唔落都冇問题,
因為(水妖精)同埋濾水器入面既(生化綿)已經產生到硝化細菌,
養淡水鱼其實好簡單,養鹹水鱼先一定要落生物環,
因為養鹹水鱼要產生超大量硝化細菌,
硝化細菌是用來去除水中有害物質的,所以對魚非常非常重要。

希望可以改善魚缸既情況,祝你養到一缸健康魚兒吧！

你試吓拎走暖棒及打氣泵,每次換完水後,給水缸加小許食鹽............