中國建材送紅股一問 40 分

１。＆２。　只要係除淨日前買入就得。即係４月２９日除淨最遲就要係４月２８日買入先收到息同股。

３。＆４。　係。因為十股送十股（即一送一），所謂既「送」並唔係真係送咁著數，因為世界上係冇免費午餐。舉個例，假設係除淨日前以３０蚊買人１手（２０００股）中國建材，即支出６００００蚊（唔計稅，手續費等等），如果股價不變除淨日當日股價就變左１５蚊，因為十送十，持有２０００股「送」２０００股，但係當然唔係白白送２０００股比你，唔係個個人都係除淨日前買一手咪無啦啦多左６００００蚊？所以股價就會除２變成１５蚊，最終你果４０００股都係６００００蚊而唔係變左１２００００（除淨前２０００股Ｘ３０元＝６００００元，除淨後４０００股Ｘ１５元＝６００００元）。派息影響股價改變，假設派息為０。５元股價不變咁３０元－０。５元＝２９。５元，所謂派息當然亦唔係真係「送」比你咁著數啦，而且上市公司亦唔會無啦啦多左一筆錢黎派息，因為派出去既息係公司既資金（即係派息後公司既錢少左），所以同樣會係股價上反映出黎，只係如果係一隻優質既股票派完息送完股股價升返上去你都係有賺而已。（並不代表一隻股票派息後一定升）

要明白截止過戶日期點解遲過除淨日就要先知道什麼是除淨日什麼是截止過戶日期。

「截止過戶日期」是指上市公司暫停更新股東名冊的日期。如股東手上持有實物股票證書，必須在截止過戶日期前完成股份轉名手續，把股份登記於自己名下，否則便不會獲派股息。

「除淨日」通常是指截止過戶日期首天前兩個交易日。投資者必須在除淨日前買入股票，才會獲發已公布的股息。股價亦會在除淨日調低，以反映派息後對股價的影響。