architecture 要讀咩科

香港有兩間大學提供建築學課程，
一間係香港大學，
另一間係中文大學。
兩間都無要求申請人必修任何一科。
如果你對建築好有興趣，
讀地理會比較好。

我無報到建築，
但係我對建築都好有興趣。

建築學係關於單一建築物，
或一組係同一計劃之中嘅建築物。
如果將範圍擴大，
例如係一條街，
就係城市設計。
而有效嘅城市設計唔可以只係靠建築學，
更重要係成個城市嘅結構。
呢個就同地理有好大關係。

如果你研究建築，
就一定有機會接觸城市設計同地理。

不過你而家都只係中三，
係黎緊個幾年你嘅諗法可能會同而家好唔同。
我建議你多啲睇下建築嘅書，
同埋多啲留意平時見到嘅建築物。
除左增加自己係呢方面嘅認識之外，
亦可以培養自己嘅preference同眼光。

你可以由自己嘅校舍著手。
例如我讀過嘅兩間中學都係現代建築，
都係政府興建嘅標準校舍，
第一間係八十年代，
第二間係九十年代。
第二間就比第一間差好多。

或者你都可以講下你個間。
仲有唔明都可以再問。

同埋兩間大學嘅建築學課程都係要求高嘅學科，
你要肯定自己係有咁嘅能力。