單身証明文件

係咪要番香港申請個"單身証明"先???
你冇台灣戶籍, 當然要用香港人身份, 所以一定要單身證明.

咁申請手續係點嫁??
要去婚姻登記處申請一份「無結婚記錄證明」(單身證明), 一早去申請應該一日之內可以攞到.
http://www.gov.hk/tc/residents/immigration/bdmreg/marriage/address/

可唔可以網上或者郵寄嫁??
可以網上下載表格填好, 可以託人幫你申請, 你要寫委託書委託何人要寫清楚同影印你香港身份證. 不過同時一樣委託人幫你去中華旅行社驗證.
所以你本人返香港申請會快手好多.

同埋"良民証"係點申請嫁???
良民證可以海外申請, 不過你又要事先在台灣警察局做指紋印證,然後同申請表寄回香港等等, 有些少麻煩, 所以你最好就親自係返香港一次過申請, 要去灣仔警署申請, 不過你要事先在台灣移民署要求一份調閱你本人警察紀錄的書函給警處申請的.
良民證唔會經過你本人, 警處係會直接寄去台灣移民署, 你冇刑事紀錄就唔使擔心出唔到良民證.
http://www.police.gov.hk/ppp_tc/11_useful_info/cert_no_crime.html#local

申請呢兩個証明大約要用幾耐時間???
單身證明應該一日搞掂, 不過仲要拿去中華旅行社驗證, 但可做快件處理, 早去的話, 真的一日搞掂, 唔係就要第二日ok.
良民證因為唔會直接經過你手, 所以你申請之後, 又未有過犯罪紀錄, 基本上就ok, 因為已經係由警處直接寄去台灣移民署,所以唔使驗證.

可唔可以同時申請,之後再去中華旅行社認証嫁???
單身證明一早去申請, 如無意外係一日內可以拿到, 再可以去中華旅行社做驗證, 如果趕件就同中華旅行社做快件, 如果唔趕, 就係第二日再去攞.
http://www.taiwaninfo.org/authentication.htm