水草上有D白色絲和魚BB問題

1. 我今日發現我ge水草上有D白色絲...我唔知係咩?? 點可以清走??
其實係魚既分柲物黎,用魚網撈走佢就可以。

D BB放一起有冇問題??
冇問题,因為你d bb只相差幾日。

孔雀BB今日三天大..唔知係咩BB兩天大..養BB有咩要注意??
唔可以用水喉水換水,d bb會死,
要用個桶載住d水喉水等12個鐘頭後,用呢d水換水,呢d叫做(養水)。
bb屎用好細好密既魚網撈走佢就可以。
魚缸要加粗鹽,用來保護魚既皮膚,
每10公升水落一匙粗鹽,食飯盒果隻匙,
計算公升方法,水位計: 長?吋x闊?吋x高?吋÷62=?公升

我用一片片 GE 魚糧 有D BB食 有D冇食..佢地會唔會死??
更係會餓死啦！
我見意餵生豐年蝦幼體,旺角魚街(天河水族)有得賣,$6一包,
食唔哂用保鮮密實袋載住放入冰箱,下次就可以整小小出黎再餵,好方便。
d魚bb就會好快大,個肚食到漲卜卜。
餵bb糧唔係甘好,因為d bb大得好慢。

2011-04-14 19:40:24 補充：
係呀！粗鹽等如海鹽,去超级市場買最平果d就得架啦！

你個魚缸有成56L水甘多,個缸都唔細,落6個平匙粗鹽一d都唔會多,
你只要落6個平匙,每匙唔係畢到成座山甘高,絕對唔多,份量好啱,可以放心使用。

BB放埋一齊無問題,只要同大魚分開就OK

我係餵BB糧GE,十蚊一樽,好KUM餵,你去水族館/金魚店同人講買BB糧啦
我果隻係橙色細細樽,透明膠樽GE,叫BABY FOOD

你一係買我呢隻,如果買第二隻要記住睇下係咪粉啊
之前店員賣俾我果D牌子,話係俾BB食,都唔係粉,而係一粒粒細細粒,D BB都食唔到
一定要買粉啊,一片片唔得嫁,食唔到