✔ 最佳答案
你d魚係唔夠氧氣呀!
你個沉水式濾水器係放唔到氧氣架!
除非你自己係出水口駁一條膠喉,將條膠喉整高過水面,
d水由膠喉出黎撞向水面甘就可以產生到氧氣。
唔係款款濾水器都可以產生氧氣出黎架!
掛濾一定可以產生氧氣,因為d水係由高撞向水面既。
桶濾要條出水喉駁在水面上面,d水由高撞向水面先產生到氧氣,
如果唔係一定唔得。
頂濾都係要條出水喉駁在水面上面,d水由高撞向水面先產生到氧氣,
如果條出水喉插入水入面一樣產生唔到氧氣。
總言之d水由高處撞向水面就可以產生到氧氣。
希望幫到你啦!
2011-04-17 03:57:03 補充:
我想問下...我裝左條管..D水流落去有泡泡..係咪姐係出緊氣?無泡泡姐係無氣?
係呀!d水流落去有泡泡,係一定巳經產生到氧氣。
如果無泡泡唔係產生唔到氧氣,其實一樣產生到氧氣,
d水流由高處打落水面,d氧氣自然會帶入水裏面,用肉眼係睇唔到d氧氣入左水裏面架!
所以只要d水流由高處打落水面,其實見到泡泡或者見唔到泡泡都可以產生出氧氣
入水裏面架!
而家d魚情況好d未呀?
2011-04-17 17:15:46 補充:
唔好意思,我唔清楚你個缸係40寸x20寸x15寸,定係40cmx20cmx15cm,
我要清楚個缸幾大就可以回答你,可唔可以再提供魚缸既尺寸呢?
2011-04-17 19:17:12 補充:
我而家知道你個缸有幾大啦!
我當你得一個缸內濾水器,清缸養,冇任何水草或者雜物,
我用米奇魚既大细來計,可以養到100條米奇魚,
但係當然要好勤換水先得,日日都要換一次喎,
如果唔係高手條數減一半,養50條米奇魚一定冇問题,
而且唔洗成日換水嘛。