不知所措...人際關係問題

存在感嘛... 你話你有一大班fd就已經證明你唔係無存在感啦.

你認為你D fd係咪真正ge朋友?
如果係, 其實佢地係你真係發嬲ge時候,應該知道咩叫適可而止. 你應該同佢地講清楚你ge感受. 人係好蠢架, 你唔講, 佢地唔會明.
如果唔係, 其實你都會自覺到佢地同你不過係豬朋狗友, 根本無咩深交過...

如果你同佢地講完佢地都唔理, 證明你不過係佢地ge笑點, 你只會不停咁比人玩.

你唔想無左班fd, 係因為你中意佢地? 定係因為你怕寂寞(?) 因為自己一個人令你安全感大失(?)

你要學得獨立 :), 應該嘗試找尋新ge一班fd, 放大自己ge生活圈子. 你都唔想成年比人蝦架嘛~ 而且識多D人都可以有多D人注意自己, 咁你就一舉兩得啦~

識多D人, 其實唔難, 你可以去參加校外/內活動, 最好係一D你感興趣ge野. 通常活動都有好多唔同ge人, 當時間耐左, 你地自然就會變成朋友.

你可以試下改變形象 :) 我lum..你應該係一個比較陰沉ge人(?)成日笑(?)[估錯勿見怪 ><"]
將自己改變成比較清爽ge形象 可能會有唔同ge待遇 , 不過改變形象需要好大ge勇氣.. 加油

既然你自己都意識到個問題, 就要嘗試改變自己啦 :D 要努力, 因為其實我ge處境都同你差唔多...哈哈.

2011-04-10 22:14:44 補充：
p.s 要改變形象ge話, 如果你中意你2+ge形象就唔洗特別增加D咩, 最緊要自己感覺中意 :)

【其實我知佢地係同我玩下架姐..
但係玩完一次就好啦..
唔好太過份.
日日都玩 好似mon我條tie出黎咁.
我開始忍受唔到啦..
有時又笑我眼細呀果d..
本新都冇咩野 你米笑嚕~
我平平凡凡就ok,
但係講完一次又一次,
又係度串我】

乜整到好似比人欺凌咁啊...佢地係咪真係玩下就算架?? 首先你要知道 佢地當你係咩??? 我自己咁睇呢 我覺得佢地似當你玩具多d wo??? 我就勸你 搵人傾傾呢個問題好過啦 雖然 樓上有幾個話 可以唔洗理佢地 但有樣係真既 唔理佢地可能變本加勵架 有句說話我幾同意 樓上有人提過：人係好蠢 唔講係唔知 但係講左佢地仲要咁做 咁就乜都唔洗講 就真係隨你揀

一,你覺得咁樣冇問題既 你可以繼續
二,你同社工/家長/老師 傾傾呢個問題 睇下佢地有咩意見 事情總有一日要解決


【我有一大班fd..
宜家我唔係好融入到佢地...】

你係點樣難融入到呢?? 話題唔岩?? 你同佢地傾多d計啦 留意多d周圍既事 觀察下佢地傾咩話題多 嘗試加入就ok 佢地當你fd既 佢地一定比你加

我唔記係邊度睇過一句説話...(好似係唔知邊本書度)
大意係 " 雖然o係呢度有好多人好熱鬧 但我仍然覺得好孤獨 "
大概你同呢位作者都係差唔多處境

下次佢地再係咁笑你 , 你真係己經唔想再被佢地咁玩o既話
你唯有認真d 嚴肅d 同佢地講 :
唔好太過份
玩完一次就好啦
玩下..但係唔等於可以玩咁多次又唔理人感受架..

一係就改變下自己o既態度 去融入佢地 , 笑完嬲完 就努力自己o既工作...

唔識得咩叫 x口人忌x口碗o既人 事實上又幾乞人憎 ...唯有當佢地發up風..

講真 睇你現實情況點先知
如果你得佢地一班fd 咁有2個選擇
1 同佢地講 等佢地知你既感受 如果你真係頂唔順 搵次嬲 如果佢地當你係fd 佢地下次唔會再咁玩你 如果都仲係咁 你搵過第2幫fd 好過 提你 搵d可以傾心事的 否則 第日你會後悔身邊冇一個可以傾心事既朋友
2 扮冇野 次次都係咁 不過可能有一日佢地會變本加厲 但都有可能佢地玩到悶 正常咁對你
如果你仲有一幫fd既話
1 同佢地反面 佢地當你係fd 佢地會好好咁對你 如果佢地冇理你 呢d fd 要唔要都算啦 同第2幫fd玩好過
2 開始唔理佢地 同第2幫fd玩 等佢地自己搵你玩 等佢地知道你唔係得佢地一班fd 冇左佢地都一樣得 到時2邊都玩得 仲好啦...

2011-04-10 21:13:39 補充：
存在感 冇得特別去增加 唔係既話只會令人反感