急!!!有關裝修其間, 誤剪鄰居電線!

各位Brother, 事源係咁既:

咁小弟屋企依家全屋裝修la, 就折晒所有野,拉過晒d 電線既,
其中一個步驟, 就係d 師傳剪晒d 舊電線從新拉過,
一般每個單位都有自己既電線盒架嘛, 咁suppose 鄰居既電線就唔會出現係我屋企既牆身既,
但由於day one 建築商既工人拉錯線,就將一條間隔屋既電線拉過我屋企既牆身,
不過, 條電線就唔會註明佢係間隔屋架嘛, 咁裝修師傳就見線就剪,
就剪個條間屋企拉左過黎我屋企牆身既電線,
(註: 根據管理處既工程師話, 如果係一d 好experience 既技工,其實係會識得分出個條電線係搭錯既線, 一般係唔會cut 既...但不幸地, 我地個裝修師傳就係唔識, 唔夠experience...見線就cut)

好啦, 之後鄰居就黎嘈la, 話我地搞到佢地用唔返個條線, 我地師傳都話幫佢駁返本來個條線, 其實, 師傳係合格技工黎既,
但對方拒絶, 話要係我屋企個度拉返條新線, 仲有搵註冊工程師簽返d 咩証書個d 先得la,
對方仲報埋警, 不過,警方唔受理,

我地自己覺得, 個師傳係有錯,但幫佢駁返本來個條 (個條電線都有成廿年架la, 因為層樓係80年代既產物), 佢又唔肯,
佢好insist要我地搵註冊工程師簽個d 唔知咩証書電線,
但其實, 佢本來個條線都無咩証書架la,
我地都肯搵返個合格技工幫佢拉返本來個條, 佢又話安全又咩,
同埋, 我見過鬼之後,我都怕黑la, 仲點會俾佢又將d 電線再拉去我屋企,
第時有咩事,咪又煩到我...我無理由為左人地條線, 到時又要整過晒我屋企d 牆身架....

依家, 我想問, 咁既情況之下, 我有冇法律責任去幫人地拉返一條新既電線, 同埋搵一d咩註冊工程師簽個d 唔知咩証書既電線呢???


因為身邊既人都未試過咁既情況, 所以,想請教下各位brothers!!!

萬心感激...!!!