係我錯, 定係佢錯

我覺得你丫爸又真係過左火既,但係睇得出佢都只係好緊張你姐~

我覺得你丫爸認為你宜家仲係細,怕你學壞,所以先管得你咁嚴,但係佢又冇諗過你既感受,只係一味覺得佢講既野一定係有益既,大人成日都係咁,以為自己比起我地呢d細佬生活係呢個世界耐d,佢地就一定有腦過我地,以為自己實岩晒,又唔嘗試去明白我地既諗法

聽你丫爸既語氣,佢應該唔係果d知識份子吧- -?如果唔係都唔會咁多粗口啦
我丫爸都係咁,因為佢細個唔讀好d書,搞到宜家咩都唔識,咩都唔掂,但係佢就係唔想我地學佢咁樣,所以永遠一返黎咩都未睇,就一味係度問:做左功課未丫?仲唔溫書?除左呢兩句之外,佢就咩都唔識講嫁啦

雖然我明白佢係唔想我學佢咁樣,但係佢淨係得把口,從來都冇幫過我地做過d咩野,淨係識係度問,我數學差佢又唔會嘗試去幫我一齊搵個解決辦法,淨係識得話:你做多d數啦~

講真,如果你想令佢收聲唔阻你,你咪唯有做好晒自己既本份囉,其實你只要做完功課,溫完書先打機既話,佢就耐你唔何啦

其實你上得黎呢度問,你都係想同你丫爸有一個好d既關係姐,如果你覺得你同佢開門見山咁樣講佢都唔會明既話,咁你就不如多一事不如少一事,既然佢要你考得好,你咪考比佢睇囉,佢愈咁樣話你無得救既,你就考得愈好比佢睇,令佢趺眼鏡!!

所以我同我丫爸都係溝通唔到嫁- -因為佢根本就一d都唔明我!

唔小心講埋我d野出黎tim= =因為實在太有感而發啦!老實講我並唔覺得你有錯,雖然你發脾氣的確唔係幾岩,但係丫爸都冇埋由打到你咁嫁,如果你覺得唔份氣既,你就同自己講你唔好真係比佢睇死,佢話你唔得既,你就得比佢睇!!記住宜家呢刻既感覺,雖然我唔係叫你去憎自己丫爸,但係呢種感覺,可以推動到你去讀書,你要佢冇野好講,唯一既方法就係令佢知道即使你唔係我身邊管住晒,即使我返到屋企係打機,我都會讀到比你睇!!

加油!!!我支持你丫!!!

暴力當然是不好
請不要想了.負面態度只會害人.每個也當尊重別人也要為自己的行為負責的.爸爸有錯自己也同樣錯.誰人设有錯呢?假如恨仇永存在你們的心裏.恨仇會長大的.你無法勝過恨仇.恨仇令你看不到應感謝的地方.令你不快樂,不能足滿生活.逃跑也逃不了這種感覺.父子結是世上最晋通的.請不要再駡是一隻狗.這一拳這一把的傷害不在肉體是心靈的傷害再說自己要做狗豈不是傷上加傷.

其實我覺得你地兩個都有錯囉

我以前都好似你咁 , 我由小六就因為家庭問題要見社工 , 我爸直情會拎起我兩隻腳打 , 我媽就會用木棍打 , 到我出黎做野 , 儲左d錢就搬出黎住 , 開頭冇人管真係幾自由 , 但係到我住多一段日子 , 我已經覺得困難重重 , 到我係保良局助養左個小朋友 , 我會一星期探佢一次 , 去關心佢 , 去教佢 , 我先明白父母既苦心

但父母永遠都會用舊時個套去教育我地 , 佢地並唔知道我地有時唔係身教可以教到 , 反而用說話技巧都可以說服我地 , 不過你爸爸咁大男人主意 , 我覺得你可以由你媽媽個邊下手 , 同你媽媽講你既想法 , 甚至可以同你媽媽講下 , 你接受邊種既教導方式

另外你話點解你爸爸只係話你點解唔話其他人 , 係因為你係佢個仔 , 就算佢話左其他人咁點呢 , 人地改唔改都唔關你爸爸事 , 反而你係佢個仔 , 佢想你好 , 想你將來好先會話你 , 你試諗下如果有一日你做錯事 , 你爸爸唔理你 , 你會覺得點 , 可能哩一刻你唔鐘意你爸爸你會覺得佢唔理你咪仲好 , 到有一日你做錯既事唔係你能力可以解決既話 , 但係你媽媽又唔理你既話 , 你會覺得點 ?

首先你老豆有狂燥症..叫佢睇醫生啦...郁手郁腳本來就唔岩....
雖然佢出發點係為妳好....都唔應該打...絕對唔係一個好榜樣....
如果佢真係再打你..我覺得你要報警...唔好等佢慣左手勢..因為咁樣唔係辦法

不過有一樣野妳都做錯...佢叫妳做功課妳唔應該發皮氣...
佢只係為妳好...加上妳自己講等陣間先...又真係過左陣佢先雷妳...
妳就應該做好左先再玩...做好左先再玩同玩多陣先做其實冇分別...
咁不如做左妳答應人地既野先..加上妳d功課做左先係必然既...

人地既事...你啊爸冇必要管亦都唔到佢管...你話人地點點點都冇意思...唔好咁幼稚~~我諗你去街冇錯既...佢為個家付出..你就去街洗錢...你細個未諗到成年人既難處..冇為佢地諗..佢咪會咁勞氣囉...搵錢唔係易...有血有汗...
朋友未必係唔好..朋友既朋友可能會教壞你/傷害你...你啊爸都係提醒你姐
十名內唔代表你唔錯...都有機會係後面果d唔讀書姐..明?

唔知你啊爸係咪d唔聽人講野既人啦..如果佢都聽人講野既話...
你咪同佢講...你郁手郁腳對件事冇好處...你都係人有腦諗野傢..有道理你實明囉...下下都郁 手郁腳..一陣錯手真係讀得書都冇用..咪比佢一手毀滅

1你首先大家都不對？因為讀書是你應該的責任，父母責任是揾錢回家養你們，大家各位其主努力，但你已經被父母催促功課了，証明你不負責了，父出手如此狼趙你，一定你平時頂嘴多多，2你學習諒解父母工作受壓。又讀書不多，或被老闆粗言嗅駡受氣！你平時幫幫手做妥家務，做好功課，令到自己學業進步，令到自己將來事業成功，讓家庭環境快快改善！3你不好理人地串咀或吸毒？原因他是他，他已經自己自受苦去吸毒了，你點解不比較不學某人是高材生？年年某人考第一！你拿些吸毒不上進低格人和你比較呀？唉！唉唉唉唉人如果有學歷有專業有實力？才有機會擔當一頭家，去養父母和妻兒。有好機會多是留給有準備勤奮的人的？4打機時間用來温習吧，對你是進步的，如果父母有意外，你是否可以有能力擔任家庭生活嗎？凡事學習逆地如處？先諒解他們！咩起一頭家不容易的，你只是有中學大學十年光景讀書。所以你一定努力。否則將來新移民取代你的工作的。低下層工作，新移居和賓妹取代了，中上層，學歷中學人工6千。大學人工1萬2，專業的1萬5千至2萬不等？吸毒粗言者無人聘請，他們檻獄過一生的了！你現在開始讀好些的成績。希望社會有你這個良知！你和爸爸和和氣氣！當成績好，才玩電腦吧！

有時個做人baba都想個仔好..如果你布家姐呀妹..你就會覺得點解baba對佢地特別好..就係因為佢想個仔有日可以成材..唔想寵壞你..大個左你就會明白..呢件事黎睇..2個都有錯..你baba叫你做hw..你就去做哂佢咪再打過機lo..另一方面..佢都唔應該用體罰..再加上用拳..呢點係我接受唔到..

首先, 好明顯是你爸爸唔識教你...或者他唔知用什麼方法去愛你...
其實, 佢十分緊張你...倒轉係我, 我打隻狗都唔會打你....(因為我唔會肉緊你)
你將來大了, 爸爸是沒有能力管你及不能管你...
我明白他打你是他的不對....
但佢明白到, 你現在不用功讀書, 將來條路很崎嶇, 佢不想你好似佢甘..
愛你才會緊張你...
你可以同爸爸講...我會掙氣...你不用打我.....我會勤力讀書..只是間中休息一下吧..(其實你平時他不在的時候,相信你很自由了, 可不他在的時候你用心一點)

最後..想對你說..爸爸工作掙錢養你已很幸苦,可能他讀書不多,是粗人一個吧,
若他有一日病倒, 不能開工, 誰來掙錢回來照養你呢...

祝你生活愉快...