點先至可以真正和婚外情男友分開

09年7月因為上網買嘢我識咗個男人（末見面）7至11月我哋仲係keep住一種買賣關係（大家都冇感覺，亦冇諗過，我知佢有一個同居幾年嘅女友，佢亦知我有老公和小朋友），09年12月開始熟絡至10年2月我哋每曰都不停咁傾電話，一曰至少十幾二十次（加埋兩至三小時）再加二三十個短信，大家無所不談，3月初我哋第一次見面之後去咗睇戲（大家都很正經），過咗幾曰我哋又約咗出黎睇戲（開始有攬欖鍚鍚），就咁一個月內持續咗五六次，四月初終於都忍唔住去酒店發生咗性關係，係張床度佢對我千依百順、服事周到（乜都願意做）務求做到最好，實行要令到我有最高嘅享受同最大嘅滿足感，初時果兩三次覺得好內疚對唔住老公同囝囡，出多黎幾次後d感覺開始慢慢消失,冇曬罪惡感之餘仲開始慢慢中意上呢個男人(有小小愛意果種），開始一齊時大家已表態唔會放棄自己嘅家庭。時間過得好快斬吓眼呢種咁嘅關係巳經持續咗三個月，漸漸地sweet嘅感覺亦都由濃轉為淡（男友態度），而我對佢就一直都冇變，仲會不停埋怨佢打少咗電話同冇時間陪我。或者係因為咁佢對我越來越冷啖，因為我嘅嘈鬧所以道至到我哋分開咗，係分開呢兩個星期大家仲好掛住對方，好唔舍得放棄呢段關係，我知佢唔會再愿意為我付出時間更加唔會為我而改變。我不停咁同自己講：「我唔可以再做d咁嘅嘢、唔可以吃回頭草、唔可以再做佢嘅洩慾工具、唔可以對唔住我嘅、、、。」但係咁諗又點呀！俾佢三言兩語話咩：「我好後悔當日冇好好珍惜你，俾多次機會我好嗎？我會抽多d時間陪你，會好好珍惜你。」就咁我又信咗佢三兩吓功夫又俾佢氹返，我點都諗唔到佢好快（一個月內）又打回原形，係呢一年內我哋分開、又係埋一齊、重復又重復起碼超過二十次，每一次都係始終理智戰勝不了情感。有時覺得自己好cheap明知大家咁嘅身份，明知沒有結果嘅感情仲要中個頭埋去，我知係呢年幾我已經落咗唔小感情，知道唔應該繼續落去，我要點先可以收返對佢嘅感覺，要點先可以真正離開佢？