✔ 最佳答案
Ascorbic acid即係維他命C。
喺尿入面有維他命C其實係正常既,因為我地既身體係唔儲得幾多維他命C,於是有剩果D就好多時會經尿液排出體外。
尿裏面有好多維他命C,可以係純粹因為你攝取得過多維他命C (有冇食維他命丸?因為市面上既維他命C丸係有極大量維他命C,而含量一般都係遠超過身體每日既吸收量),亦都可以係因為身體一D器官儲少左維他命C,結果就多左維他命C被排走。所以咁樣唔一定代表你有事,亦唔一定同你既前列腺癌有關。
如果你之前一直都係驗尿驗到有好多維他命C既話,可能係因為你天生就儲得少維他命C,但如果係最近先驗到(或者係第一次驗就驗到)係咁樣而你又冇特別食多左蔬果既話,可能係你身體某個器官有唔妥,至於係邊個就要視乎你有冇見邊度唔舒服。建議你搵醫生傾一傾,話畀佢知你有咁既情況,等佢幫你做個詳細檢查。