讀書的用途

記得細個o既時候，老豆老母成日滕條蚊豬肉，要我俾心機做功課，讀好d書。甚至乎果陣d電視劇集(當然包括教育電視)，都教小朋友，要努力讀書，等將來賺大錢云云。讀書真的能賺大錢嗎？
現在o既小朋友早熟，當然知道這是謊言中的謊言(仲係連細路哥都呃唔到潻)(註)。可憐小弟果陣naive，結果讀左廿九幾年書：3個degree，"沙紙"、執照等更加係數都數唔哂，so what？！咪又係捱騾仔，每個月為左雞碎咁多o既人工而卑躬屈膝。反觀香港o既有錢佬，唉...都係唔好提。之於講溝女就仲弊，唔通讀多幾年書、曉唸兩首宋詞，就會有成打女飛埋黎？節省d啦！
就我所見，一般女士最主要衡量既，係你有幾錫佢，幾識氹佢開心；而唔係你有幾高學歷。況且現今女性學歷高o既大有人在，若然未搞清楚就亂show quali，真係死左都未知。寫到呢到，相信小弟d friend一定會串我：「講到讀書咁冇用，咁你又繼續讀！仲個個月揼錢去買書」。
冇錯！我諗我呢個人確實係賤骨頭，死性不改，無藥可救...X$%#(下省數千字)。
但容許我講句阿Q精神o既說話：「讀書未必要有什麼用途或者目的，只要自己覺得開心，過程中找到樂趣，又有何不可？」

Find a better job when you grow up!