點去景賢里?

香港仔冇直車去景賢里.

灣仔只有皇后大道東先有新巴15(山頂方向)到,而香港仔出發既巴士路線唔會經皇后大道東(但有專綫小巴4B[$7.0]途經). 你可以乘城巴70($4.7)到中環轉新巴15($7.2用八達通上落車各拍卡一次,現金要付$9.8),但相當兜路.

另一方面為咗應付需求,城巴特設15R線($7.9)特別巴士服務由金鐘站往來景賢里(往景賢里方向不設分站),又有專綫小巴26($5.2)特別班次由銅鑼灣利園山道循環往來景賢里(同樣於往景賢里方向不設分站). 如果唔要太兜圈,你倒不如乘城巴72($4.7)到了崇光百貨落車行去利園山道轉乘26小巴特別班次好了.

回程你可選乘15R特別線於1)分域街落車,以天橋過對面轉乘城巴70; 2)金鐘站總站落車,經金鐘廊轉到近統一中心地下轉乘城巴70.

2011-04-04 23:39:23 補充：
修正: 回程乘15R中,2)既方法,應該係海富中心落車經金鐘廊轉70,唔係金鐘站總站
而15R金鐘起點係金鐘道近金鐘站.