自己一個游水n問

✔ 最佳答案

1.
柴灣.
其實港島係香港最早發展嘅地區, 所以港島區嘅泳池有大半都超過 30 年歷史, 大部份泳池都好舊, 幾陰深. 即使裝修過, 都只係泳池內部份設施有裝修. 摩里臣山同維多利亞公園泳池個更衣室仍然未裝修, 而好陰深. 相對而言, 柴灣就好好多.
柴灣池有主池有副池. 設備其實仲齊過好多港島區舊泳池 tim.

港島東游泳池
對你來講都可能係好事, 即使佢得 25m 短池, 詳見問題6 的回答.

2.
要睇你泳術其實差成點, 同埋游泳目的.
政府泳池大部份名為「主池」的, 都 1.4-1.9m 深, 少數除外 (例如城門谷),
而又因為救生問題, 所以泳客係唔可以帶浮板落主池, 除非係泳會泳班租左成條線有教練睇住.
所以, 主池係識識地游水, 但又唔叻嘅人, 去做運動用的.
喺主池游嘅, 泳術反而麻麻地. 因為佢地往往係唔識練游泳技術, 唔識用浮板操技術及體能, 所以先係唔係都落主池.
非泳班學生在副池 (大部份名為「副池」的, 都 1.2-1.4m 深), 都係泳術差, 或最識去練水嗰班, 最差的, 及最好的, 都常見於副池.
所以如果你係初學者, 落副池會好 d, 一來唔掂可以企喺樹, 二來有得企就易從泳班企喺樹聽下教練要學生點練去偷師, 三來你要操技術就必用浮板. 浮板識用嘅並非幫你浮, 而係限制你身體某部份, 要你單靠其他身體部份就把某些要求做好.
所以如果你係想操, 想進步, 就去副池.
但如果只想迫自己有一定運動量去減肥, 就主池較好..

3-4.
伸展左肌肉先落水.
游水好講求肩勁柔韌度, 落水前慢慢做過百下車輪手, (要慢, 如果唔係會受傷) , 雙手伸直伸向上上臂仲要拉到耳後並且夾頸, hold 1-2分鐘, 亦係必要練習. 而且由於乜式都要登腳板, 而且對膝蓋亦不會無負擔(只是比長跑少), 所以轉下腳板, 膝蓋伸直 hold 10秒再屈曲重複 10次以上, 亦係必要.
自由式及背泳講求身體自轉, 所以落水前慢慢轉條腰亦係必要.
你要預左落水前, 咁就花 20 分鐘, 係正常嘅.
落左水先做熱身.
所謂熱身, 就係用你 6-7 成力左右, 連續游超過10分鐘, 肌肉先會開始暖, 先喺狀態.
而如果你要發揮好, 就要用 20-45分鐘, 去令身體行消脂機制 tim.
有 d 人一落水, 教練就叫佢游 4式 400m 當熱身. 只係因為佢地操得多, 心肺機能, 抗乳酸力以及肌肉力量都好好, 所以佢地出 6-7 成力就可以做到連續 4式 400m.
但你記住, 熱身只係出 6-7 成力, 令身體在運動狀況. 如果你一落水就爆 8 成力以上, 你之後就唔會運動得好耐, 你心臟會好辛苦, (即好喘氣) 總運動量亦會減少.

5.
除非人地返工你唔洗返, 人地返學你又唔洗返.
如果真係咁, 個個池都係 ga 喇, 上午 10-12 noon 係最少人, 尤其未係暑假時.
暑假就幾時都咁多人.
不過其實你都係唔想俾人認到啫.
除非你除過上半身嘅衫俾朋友睇, 如果唔係, 你戴左泳帽, 戴埋泳鏡, 人地未必認到你, 尤其喺人多時.
人最多當然係暑假時, 嘅夜晚, 因為學生唔洗返學, d 返二嘅又放左工, 加上女仔唔擅於游水嘅, 去玩水又怕晒, 所以夜晚好多人, 而且好多都只係來玩水, 多到你根本游唔到. 嗰時想人見到你都難, 更加唔好話認到你.
不過既然夜晚都游唔到, 所以, 你都係戴泳鏡泳帽算巴啦.
如果你認真練過水就知, 一星期去 2次, 如果無泳帽, d 頭髮 3 個月後就會變灰色同好硬的.所以要戴橡膠 / 矽泳帽. 布 / 尼龍嘅泳帽唔得.

6.
唔好戴隱形眼鏡落水囉, 要戴就戴有度數嘅泳鏡. 因為泳式衝撞性大 (蛙/蝶), 你俾人撥/撞到, 或你本身帶得唔好, 都會入水

夏天 9am- 3pm 點好晒, 最大問題係你即使戴左防 uv 嘅泳鏡, 係一樣會傷眼, 你眼覺膜一樣會被灼傷. 年紀大左就可能變成青光眼, 這個一定要留意.

游水時, 或之後, 眼痕千奇唔好摔眼. 因為水內有好多你睇唔到咁細嘅硬物, 有一次我就因為太放心, 摔眼, 結果眼白被挖出 3 條傷痕 ... 要 6星期先好返.

上年有報告話, 原來太陽油, 加上有機物質, 例如汗, 或尿, 再加上氯, 就會產生致癌物. 解決方法是搽完太陽油半小時後, 才去用清水沖身, 才去落泳池. 但你咁做人地都未必會. 所以, 室內池, 即港島東, 就可以避免這個, 及太陽傷眼.

2011-04-13 12:10:56 補充：
上面有人話 :
千奇吾好去港島東果個游...
個陣時我入到去先知原來個池深好似最深都係去到100定吾知120.

2011-04-13 12:12:17 補充：
根本已經係淺得令人擔心嘅水深

回答 (2)