買咩行李箱好??急急急!!

✔ 最佳答案

首先 budget 如何 ?

平價... 可以到女人街或廟街等地方睇睇. 約 200 - 300 蚊便有一隻超大的旅行喼. 但質素的確是差一點的. 拉鍊位置亦不太可靠...

中價... 可以到日式百貨公司睇睇, 有 d 牌子如 Antler, Santa Barbara, Pierre Cardin 等都唔會太貴. 大約 600 - 700 蚊一個 25 吋左右的喼. 可四周轉動, 布質較好, 拉鍊位也比較可靠, 部份更有 3 - 5 年的保養.

貴價... 可以考慮 Samsonite, Delsey 等名牌子. 價錢最少 1000 起步, 大多是 1600 - 2000 蚊. 質素最好. 但也是最貴... 如果一般旅行, 又沒需要買這麼貴的... 反正一年可能只用數次
超貴價... Rimowa, LV 等.. 我覺得只是浪費金錢而已

至於軟定硬, 就睇返你自己有咩需要. 如果你想型, 想 in 既, 咁你一定唔會買軟喼. 細細個的硬喼普遍來說都比較好睇. 但如果你購買了很多東西, 硬喼就可能會裝唔晒, 因為硬喼的體積不能改變, 係咁大, 就咁大了.

如果你需要帶好多野既, 或買好多野, 軟喼就會好 D. 現時一般軟喼都係防水物料, 不用擔心這問題. 軟喼因為是布質, 可以撐大一點. 如果你識執喼, 同一 SIZE 的軟喼可裝多最少 20 - 30% 的東西. 但相對硬喼, 軟喼個樣會冇咁好睇.

另外不論軟硬, 買喼最緊要睇下隻喼是否實淨. 例如拉鍊位是否夠力, 扣位是否過薄, 喼的轆是否實淨, 線口, 駁口等等會否客易鬆開. 關好喼後有否空隙. 這些最為重要. 還有, 喼是否可以四面推動, 有沒有伸縮把手等等, 你也需要考慮的.

至於幾多個轆, 4 個咪推得舒服 D... 如果你係女仔, 唔拎慣重物, 4 個轆係有幫助的. 但 4 個轆的喼通常係硬喼...

4 日台灣, 估計不會有太多行李, 如果冇特別需要, 唔好貪大...

回答 (2)