懷疑男友有第三者,如何挽救關係?

我同男友一齊唔係好耐姐，不過我放左成個心入去呢段關係到。我同佢由細玩到大既，所以開始果陣當然好好喇，呢樣唔洗問，係竹門對竹門。但日子長左，佢成日話自己唔得閒，以前果種親密間唔中先有。當然會唔開心喇，ＳＭＳ又唔覆我，一日都唔知傾左有冇５句囉而家，ＭＳＮ我又唔夠膽搵佢，怕煩住佢，加上佢傾野果陣既答覆都係又簡短又慢。我唔知佢會唔會係同第二個傾緊。

佢成日都對住部電腦，如果佢係打機既咁我都冇所謂，但一次我唔覺意開左佢ＭＳＮ，見到好多Ｄ女仔既朋友係到，唔知係咪朋友喇，不過一望Ｄ名就知係女仔。由於驚所以開左３秒就ｏｆｆ左。

我同佢facebook係朋友黎既。即係你睇到我做Ｄ咩，我又睇到你做Ｄ咩，但當然可以自己教私隱小小喇，所以有幾多野係我唔知既呢，可能佢仲有好多野瞞住我。但有一次佢整左一張關係表，入面可以自己放唔同朋友既相代表佢地。佢就放左自己張相同另一個女仔張相入去，問題在於佢地兩個中間既關係：白頭到老。佢冇標明果個係佢喇，加上佢又冇用特別既相，佢果張係個個都可以用既，不過成個表得一張咁平平冇奇既相，加上如果唔係佢咁佢點解唔寫明係人地呢？佢都唔想我誤會嫁！佢就有標明個女仔。相下面仲有佢同個女仔既對話：
女仔：你好得閒呀？搞Ｄ咁既野！
男友：頭先真係幾無聊

睇到呢度我好嬲！！就從好友例表把男友ｄｅｌｅｔｅ左。因為如果佢無聊點解唔搵我呢？我係佢女友喎！沉晚我發左個夢，夢入面大概係講有個女仔好鐘意我男友，但我男友就表示唔關佢事喇佢只愛我一個咁喇。咁又表示佢亞爸亞媽都唔係好鐘意個女仔，但係個女仔就係咁纏住我男友搞到佢冇時間陪我。咁我諗住到我男友搵我果陣我問清楚喇，點知佢就成日都冇搵我！我又怕人地話發夢既野同現實係相反喎，又有人話係現實喎。我都唔知係真定假，假如呢個世界真係有上帝，咁佢想講Ｄ咩我知呢？

我應唔應該問清楚佢呢？我又怕佢覺得我唔信佢喎，加上問左佢一定話唔係嫁喇。我應該點做呢?佢好少講佢D野我知，佢Ｄ朋友Ｄ野我又唔過問，免得佢覺得冇自由。點樣先可以令我地既關係變返好似以前咁好呢？如果佢真係有第二個我應該同佢講清楚嗎？但係我又唔捨得佢喎。點樣可以試下佢心入面仲有冇我呢？我怕到時我講左張相出黎，佢會話只係玩下，講到我好小器咁，又怕佢只係攞張相黎玩我，到時我就會好ＬＯＲ。希望大家幫下手。